إبن مصر

مين السبب فى القطع

طبعا كلنا بنتعامل مع الإنترنت وطبعا كلنا حسينا بالخلل اللى حصل يوم الجمعه واللى مازال اعراضه موجوده معانا الى وقتنا هذا
طيب تعالوا نسأل نفسنا ايه السبب فى القطع
كلنا فاكرين القطع اللى حصل فى بداية السنه فى يناير الماضى وده كان فى المياه الإقليميه لمصر وكان على بعد 8.2 كيلومتر من الإسكندريه
وتأثر بيه الإنترنت فى مصر بنسبة 70% ومفيش اى سبب ظهر الى الأن
وفى فبراير من نفس العام كان بالقرب من الإمارات وبرضه مش عارفين السبب خريطه توضيحيه لمسارات الكابلات البحريه فى العالم

والمره دى جنوب ايطاليا ودول مش كابل واحد المره دى لا دى بالجمله
ومع ذلك لم يتحدد الى الأن السبب
ودى عايزه سؤال
الكابلات المره دى قطعت النت عن مناطق محدد وهى جنوب شرق اسيا وبعض من الدول الشرق اوسطيه مصر وبعض من الدول العربيه
هى اكيد سمكة قرش هى اللى عارفه طريق الكابلات وبتروح تعضعض فيهم

او سفينه فضلت ماشيه مئات من الكيلو مترات وكل مكان فيه الكابل كانت بترمى الهلب بتاعها علشان يتعلق فيها الكابل ويتقطع
المهم انتوا كده عرفتوا الكابل اتقطع ليه اما سمكه او هلب متعلق فى سفينه ماشيه او حاجه تانيه انتوا عارفينها طبعا
يعنى تكون سمكه اكبر ليها مصلحه ان النت يقطع فقط عن الشرق الأوسط وبعض الدول الجنوب شرق اسياويه اللى هى العربيه يعنى
المهم اننا نعرف ازاى ممكن نصلح الكابل ده بس قبل تصليحه نعرف تركيبته
تركيبة الكابل البحرى كالأتى 1- غلاف من البولي إيثيلين 2- غلاف بلاستيكي 3- أسلاك حديدية مشدودة 4- حاجز مضاد للماء من الألمنيوم 5- غلاف من البولي كاربون 6- ماسورة من النحاس او الألمنيوم 7- جل بترولي 8- الألياف البصرية
والتصليح كالأتى
عادة يمكن تحديد موقع العطب أو القطع بواسطة المهندسين على اليابسة، اذا ان المناطق الاكثر تأثرا بانقطاع الخدمة تساعد في تحديد اي جزء من الكابل اصابه العطل.
ولتحديد الموقع بشكل اكثر دقة يقوم مهندسو الكابلات بارسال نبضات ضوئية عبر الياف الكابل باستخدام جهاز يسمى مقياس الانعكاس الزمني الضوئي.
وعندما تصل النبضات الى الجزء المعطوب او المقطوع من الكابل ترتد الى الجهاز، وبحساب الوقت الذي استغرقته يمكن للمهندسين تحديد مكان العطب في مسافة عشرات الامتار فقط.
ثم يتم استخدام سفينة كابلات خاصة

مزودة بآليات تعمل بالتحكم عن بعد.
واذا تمكنت تلك الاليات من تحديد مكان الكابل يمكنها قطع الجزء المعطوب وسحب الكابل الى السفينة.
او يتم استخدام رافعة هيدروليكية ترفع الكابل كله الى السفينة.
و: "الخيار الاول افضل، لانه يمكنك رفع الكابل عند المنطقة المعطوبة لكن الرافعة ليست بهذه الدقة".
بعد ذلك يمكن اصلاح الكابل على سطح السفينة حيث يقوم الفنيون باستبدال الالياف المعطوبة في الكابل
وبكده اكون خلصت ويارب أكون قدرت احدد ليكوا مين السبب فى العطل وهى السمكه الكبيره

اللى انتوا كلكوا عارفينها ودى ليها مصلحه ان الدول العربيه ينقطع عنها النت
والله اعلم ليها يمكن يكون السبب صياد إصتاد حد من عيلة السمكه دى
واكون عرفتكوا الطريقه الفنيه فى تحديد وتصليح الكابلات
ويلا بقا ادعوا على السمكه وربنا يهد القوى ويصحصح النايم او اللى عامل نفسه نايم

الوداع الأخير

نعم انه الوداع الأخير قبل الإنتقال من عالم الا إهتمام بالبشر الى العالم الثانى حيث تكون فرد مثلك مثل اى بشر

إنه الرئيس الأمريكى الذى ضرب بالجزمه و سب امام الكاميرات بل امام العالم اجمع ليكون الرئيس الأوحد الذى ضرب وسب امام الجميع وامام عدسات الكاميرات وسيذكر التاريخ هذا الحدث ولن ينساه ابدا

هو قد اهان نفسه قبل ان يهينه الصحفى الشجاع جدا وربنا معاه

من هذا انه الكبت الذى ولد الإنفجار فقد قال الرئيس الأمريكى انه قادم ليحرر العراق وذلك لطيبة قلبه وتعاطفه مع الشعب العراقى المسكين المظلوم من صدام رحمه الله وفى عينه دموع ولكن لا احد يرى من وراء هذه الدموع انها تنزف من عيون تمساح

قادم ليس للتحرير انما قادم للإحتلال وهذا ما هو كائن حتى الأن وانه جاء ليس للشعب وانما لنهب اموال الشعب من بترول وما الى ذلك ولكنه وقع فى شر اعماله عندما لم يجد النووى الذى دخل تحت كلمة لاللنووى ومرحبا بالسلام بدونه وقع فيها عندما أهدر من اقتصاد امريكا على العراق مئات المليارات بسبب هجمته على العراق وصرف مئات اخرى لإعادة هيكلة واعمار العراق ومازال العرض مستمر

فكان لابد من الجزمه

نعم انها الشئ الوحيد الذى ودعه به الصحفى لا ورود ولا قبولات ولا دموع على فراق العزيز

وكيف للورود من شعب لا يجد الأن مكان فيه ورود ولكن اصبح سكنه عسكريه للقوات الأمريكيه البريطانيه

وكيف القبولات من شعب كرهه بكل معنى الكلمه وكره حتى اسمه

وكيف للدموع تنزل وهو ليس بعزيز

احيك ايها الصحفى الشجاع السوبر مان

أحييك بكل ما فى قلبى من سعاده لما فعلت

ولكل من هو من فى منصب تذكر ما حدث لرئيس اكبر قوى فى العالم القوى العسكريه والقوه الإقتصثاديه ضربت بالجزمه

اعملوا حتى لا يدخل مؤتمراتكم الصحفيه من هو يرتدى حزاءه لأنها قربت جدا منكم

وداعا ايها الرئيس

ولكنه وداعا رسميا فى محتفل خاص

على طريقه خاصه طريقة مواطن عراقى عربى

وكل شئ عن الصحفى الشجاع منتظر الزيدى مراسل قناة البغداديه على هذا اللينك

ادعيلى يا امى

إدعيلى يا امى

ادعيلى يا امى محتاج دعاكى

إدعيلى انتى طوق نجاتى

فى محنتى محتاج رضاكى

صلاتك دايما اختميها بدعوه ليا

المولى اكيد هيسمع منك دعاكى

محتاجلك يا امى فى حضنك تضمى

ودايما ياأمى بتلمى شملى

ادعيلى يا امى ولو انى عارف

عمرك با أمى ما نستينى

طبعا انا بشكركم جميعا لإهتمامكم بالسؤال عليا

الموضوع ببساطه علشان مفيش حد يقلق وفى نفس الوقت كل اخوانى اللى بيشرفو مدونتى لازم يكونوا عارفين الوضع بالظبط

فى شركه كنت اعمل فيها قبل الشركه الحاليه وكنت موقع على عقد وقد قمت بفسخ العقد معهم وهذا كان بموافقتهم ورضائهم ولكنهم لم يهنأ لهم بال لعلمهم انى قد عملت فى نفس مجال الشبكات والإنترنت فى الشركه الحاليه على أساس انى كنت المفروض اشتغل فى محل مخللات وخلاص وارمى الدراسه واللى درسته فى الأرض

والقضيه اول جلسه فيها يوم السبت 6/12

يعنى اكون ضحية العيد

وهو ده الموضوع وان شاء الله اوافيكم بما فى الأحداث دائما من خلال المدونه او الشات او التليفون

وان شاء الله انزل بوست العيد قريب علشان اطلعكم من الغم ده ونعيد كلنا فى سعاده

واسف لإزعاكم بمشاكلى

ولكم جزيل الشكر ولشخصكم فائق الإحترام

رجاءا إدعوا لى

لا تنسونى فى صالح دعائكم

اللهم وعليك بمن يظلم

وإنصر كل مظلوم

آمـــــين يارب العالـــمين

تاج السعاده من عاشق للسعاده

السلام عليكم ورحمة الله وبركاته

فى البدايه احب ان اشكر اخى الكريم محمد غاليا على اهدائه لى تاج وسماه تاج السعاده وقد وعدته والأن اوفى بوعدى بالرد على هذا التاج ولكن احب ان اوضح ان محمد من اكثر الناس احتراما وهو من الشخصيات التى احببتها فى عالم التدوين ومحمد كان انشأ هذا التاج وذلك لحبه لهذا العالم عالم التدوين ولأنه وجد ان كثيرا من المدونين الذين يحبهم قد اغلقو مدوناتهم فى الأيام الأخير فإخترع هذا التاج تاج السعادهفشكرا جذيلا اخى الكريم لإهدائك التاج ولإنشغالك بعالم التدوين ومحاولة اسعاد المدونين فيه

والأن ننتلق

إلى السعاده أقصد تاج السعاده

وفقنى الله وإياكم لما يحب ويرضى

السؤال الأول:ماهى السعادة من وجهة نظرك؟
السعادة عقل دائما يحمل على اعتاقه الحق والعمل به ومن اجله
وأنشراح صدرآ لمبدا يعيشه
وراحة قلب لخير يكتفيه
السؤال الثانى: كيف تصل إلى السعادة؟
بإختصار بمحاولة البعد عن المعاصى وترك ما نهى الله عنه اكيد تحس بحلاوه ومزاق جميل مع الله وهو اعلى درجات السعاده
السؤال الثالث: هل السعادة وهم أم أنها حلم صعب؟
لا السعده ليست وهم وانما هى ممكنه لمن اراد واتفق معك انها حلم صعب ولذلك لها درجات والكل ليس على مقدار واحد من السعاده وهى دائما تحتاج الى السعى لها
السؤال الرابع: هل السعادة طريق للنجاح ؟وضح؟
نعم طريق للنجاح
لأن الإنسان اذا كان سعيدا فى حياته يكون انتاجه مضاعفا وذلك يعلى من شأنه فى سوق العمل او الدراسه او حتى الملعب ان كان لاعب كره

السؤال الخامس: ماهى أكثر اللحظات التى شعرت فيها بالسعادة؟
عندما اكون فى مشكله وليس امامى سوى الله لأدعوه ليخفف عنى بعد الصلاه والدعاء اجد نفسى فى حالة اشتياق جامد جدا لحضن رسول الله ورؤية وجه رب العالمين وهذا هو قمة سعادتى

السؤال السادس:هل ممكن أن تحقق كل شىء؟
لا يمكن للمرء ان يحقق كل شئ طالما هو يعيش على ظهر الدنيا فى كل شئ ليس شئ حتى يحصل المرء عليه فهو شئ من لا شئ

السؤال السابع: السعادة تجعلك تقبل على الحياة أم لا؟
اكيد طبعا واكون بها اقوى واحسن حال

السؤال الثامن: هل أحسست يوما انك وصلت لقمة السعادة؟

اعتقد انه لا يوجد مقياس حتى يتم بها معرفة هذا فليست السعاده بميعاد
بمعنى كل وقت لست فيه غاضبا او مثارا او بى دائقه فذلك الوقت يعنى انى فى حالة سعاده

السؤال التاسع: لماذا تمر أوقات السعادة بسرعة؟
انا اختلف مع السؤال لأن السعاده موجوده ولكن مرارة الحزن تظل فى خاطرنا اكثر من ايام السعاده

السؤال العاشر: هل ترى السعادة فى التدين؟

هذا لا شك فيـــــــــــه واعتقد انه واضح من الصوره

السؤال الحادى عشر: هل أنت متفاؤل وعندك أمل؟ وضح؟
دائما متفائل
لا احب التشاؤم ولا اعترف بالمقوله التى تقول فدان حظ ولا فدان شطاره
هو نصيب وربنا كاتبه ولو رضيت به سأكون اسعد الخلق

السؤال الثانى عشر: إذا شعرت بالحزن ماذا تفعل؟
الجأ الى من بيده ملكوت كل شئ فهو على كل شئ قدير

السؤال الثالث عشر: هل يستمر معك الحزن فترة ام ينقضى فى الحال؟
لولم يستمر معى لفتره اكون وقتها انسان بلاقلب ولا مشاعر ولا إحساس

السؤال الرابع عشر: ما رأيك فى الأفراد المتشائمين.؟

لا احب التشاؤم

وبكده تكون انتهت الأسأله ويارب اكون وفقت

نيجى لأهم حته فى التاج وهى الإهداء

طبعا انا هدبسكم كلكم وخصوصا اللى عندى فى الريدر

بنت غزه إشراقه

كراكيب ميرو النيرو كوانيرو

عاشقة القمر بيرو

غزال المها مها ميهو

الجديده القديمه جدا مولان فى عالمها الجديد

وام عبدالرحمن اختنا الكبيره محاسن صابر

والدكتور محمود حسين ربنا يوفقه فى فى الإمتحانات

الدكتوره سنووايت وبرضه ربنا يوفقها فى نفس الإمتحانات

والجميله انجل بقالك كتير غايبه

وسندريلا الشرق اين انتى

آيه السويسيه

والبنت المصريه انجى

ونونو العسوله المخطوبه جديد

والمجنون وليس مجنون

روح الإسلام بأملها الجميل

وأمنيه بنت الإسكنريه وعملها الجديد

والملكه بمملكتها الرائعه دائما

الأرض السوداء قديما وتعنى مصر وحبيبتها كيمت

واخيرا تحياتى للجميع

ماذا لو

ماذا لو تعاملنا مع بعض بحب

ماذا لو تعامل الناس بإخلاص

ماذا لو تعامل الناس بدون غش

ماذا لو تعامل الناس بدون نفاق

ماذا لو تعامل التجار ببعض من المصداقيه

ماذا لو تعامل الشرطه مع الشعب ببعض من الأدميه

ماذا لو تعامل الشعب مع الشارع ببعض من التحضر و الإنسانيه

ماذا لو عم السلام على العالم كله وعلى العالم العربى بالأخص

بصراحه انا نفسى فى ده

أكيد كلنا نتمنى ده

لكن فكرت كتير ايه مممكن يتغير لو الحاجات دى حصلت

اكيد كانت فيه حاجات كتير هتتغير هى ايه تعالى نفكر سوا

ماذا لو حدث هذا

وحشتونى وحشتونى وحشتووووووووونى

والله بجد وحشتونى

اولا ده اعتزار رسمى انى اتأخرت عليكم وعلى المدونات اللى اتعودت انى اتشرف بزيارتهم

طبعا وحشتنوى ووحشنى البلوج بتاعى وبتاع كل اصحابى

وحشنى كلامهم معلش بقا سفرى فجأه هو اللى خلانى بعيد شويه عنكم

كنت فى الصعيد يعنى جوله خفيفه كده لمده اسبوع فى المنيا اللى فيها كورنيش جميل جدا جدا

أنا زورتها قبل كده انما دى اول مره انزل اشوف الكورنيش

انا استمتعت بيه واتصورت عليه كام صوره

كده

ودى بعض الصور مش كلها طبعا

الصور دى من اعلى مكان فى الفندق

صوره يمين الفندق وصوره شماله

مبنى المحافظه تحفه معماريه

انا وحبيبى احمد

وكمان لاحظت ان مجلس المدينه فى المحافظه عامل موظفين مخصوصين يشتغلوا بشاشات عرض لبعض قنوات التلفزيون من باب التسليه وده دون مقابل

بصراحه المدينه جميله جدا

وسوهاج بصراحه اللى اهلها يتحطوا على الجرح يطيب زى ما بيتقال

واخيرا بعد اسبوع من العمل المتواصل هرتاح شويه كده واكتب من بكره ان شاء الله

كمان لازم اشكر كل اللى سأل عليا سواء على البلوج او اللى سأل على الميل او على التليفون بجد بجد سعيد بسؤالكم عنى

تحياتى للجميع وان شاء الله دايما احباب خالص خالص

بوسطه

إلى الإبن

ولدى
إن المسافات الكبيره تعجز عن أن تفصلك عن مهجتى

وتنئ عن فكرى ملامحك البهيه
لكنى ينقصنى احوالك ان اعرفها فلا تبخل عليا بأن اعرف اخبارك
فإنما أنت غادرت أهلك والوطن لغايه ساميه وهى السعى فى تحصيل المال والرزق
فيجب عليك يابنى ان تضع هذه الأيه الذهبيه فى ذهنك وهى

صدق الله العظيم
إجعلها نصب عينيك وتسير لا تلتفت إلى ورائك وأنت الأن فى ريعان شبابك ومقتبل عمرك وأوصيك أن تحافظ على أدابك فهى سياج شبابك وسلم أمالك حتى إذا رجعت إلى الوطن إفتخرت بك
إلى الأب

سيدى الوالد

رسالتك اثلجت صدرى

وقوة عزيمتى للمضى قدما فى العمل والجد .
وثق ياأبى ان وصاياك حفرت كما تشاء فى نفسى بأحرف من نور تقوى على كل الصعاب ولا تنظر لكل العقبات
وإنى هنا فى بلاد المهجر رائدى العمل وهدفى الجد والإجتهاد
وإعلم ان الوقت اغلى من الذهب ولذلك فالنجاح بتجاوب والحمدلله مع اعمالى .
غير انى مشتاق اليك وإلى الوطن الغالى الحبيب وذكراك دائما فى خاطرى .
أرجوا ان لا تبخل عليا بنصائحك الأبويه التى هى اعظم من الجهاد فى معترك الحياه ولا تنسى رضالك الذى هو قوه لى فى جدى وإجتهادى
اطال الله بقاك ومتعنى بلقاك