والله شعب مسكين

آآآآآآآآآآآآآآآآآآآآآآآآآآه
آآآآآآآآآآآآآآآآآآآآآآآآآآه

مهو لازم يقول اه
أصله لو مش هيتكلم ولا يقول الآه يبقى هو مش من بنى ادم

يبقى ولموأخذه

يعنى

المهم
يارب تكونوا عايشين لسه بعد اللى بيحصل فى بلدنا واحنا بنتفرج انا عارف ان كلامى ممكن يكون دمه تقيل بس هتكلم بخفه ازاى وانا بقالى يومين بسمع والكل بيئن ويتكلم وهو مش قادر من اللى بيحصل فى الاسعار وخصوصا السولار

اللى كل الفئه المتوسطه معتمده عليه وهى نفس الفئه اللى اخدت ال 30% الله يكرمه اللى عطف عليهم بيهم

بس اهو بيلمهم اهو علشان يديها ليهم والباقى طبعا عارفين رايح فين

انا بس مستغرب احنا بقينا ولاد عز ولا ايه ؟؟؟
لالالالالالا مش العز اياه اللى الشعب المصرى مش هيشوفه طول ما فيه ناس بتنهش فيه

لا انا قصدى عز التسليح وعز الإقتصاد وعز مصر وعز الحزب الوطنى

المهم هو ده اللى بيتحكم فى الحديد وهو اللى بيتحكم فى العيشه واللى عايشينها واللى عايزين يعوشوها
وكمان بيتحكم فى النواب بتوعنا اللى احنا مرشحينهم يتكلموا بإسمنا دول
واللى ينقط ان القرار خارج من الناس دى

اللى الشعب منتخبهم
هما دول اللي الشعب المفروض بيقعد معاهم

اصحى يا عم الحج انت وهو قولوا موافقه وناموا

طبعا الصور موضحه ليه الناس دى بتعلى واحنا ومصر فى النازل وكمان مش محتاجه تعليق

والمفروض انهم عارفين ضروف الغلابه عارفين ظروفه وطبعا انا مش هقول هما راحوا هناك كده ازاى كلكم عارفين طبعا

هم بس كل اللى عملوه انهم وافقوا على ان الشعب يدفع قد اللى هياخده مرتين فى الشهر يعنى العربى كده يسرق ولا يتصرف هو هيشيلهم همه ليه

أنا مش فاهم قبل ما يقولوا منافقه اقصد موافقة ليه ما فكروش فى محدود الدخل ولابلاش محدودالدخل خلينا فى معدومى الدخل ولا هى منافقه والسلام

والأستاذ الى عمره ما كان استاذ بيقول ان الزياده مش هتكون على الفرد اكتر من 15 جنيه في الشهر

والله كتر خيرك انك حسبتها اصل الناس من كتر التفكير مش عارفه تحسب طبعا متعود على الحسابات دى من ايام ما كنت بتحسبها

وانت ليه مش حسبت الراجل عنده كام فرد بيخرج من البيت
يعنى كام فرد فى الأسره هيصرف ال 15جنيه دول وزودت له المرتب قد ايه دا ان كان موظف اصلا
ولاانت مفكر إن الكل عنده فلوس زي بعضهم وبيشبك بمبالغ تقدر بالملاين مليون جنيه خاتم الماظ مثلا ولا 15مليون جنيه مهر
وحيات النبى سيبوا الناس فى حالها

وانا مش بحسد والله
انا بنوء بس

وكمان بتقول انه قرار مدروس منذ مده ومش وليد اللحظه امال وليد مين؟

يمكن يكون وليد ابن عمى

هقول إيه حسبنا الله ونعم الوكيل