كتير بيسألونى انتى مين (هى دى مصرمنتظره ايه تانى ممكن يحصل فيها )

طوااااااااابير

طوااااااااااابير



تخيلوا البلد كلها بقت طوابير
لالالالالا

مش طوابير العيش دى إحنا اخدنا عليها خلاص

المره دى لفت انتباهى ان فى زحمه كتيره اوى فى مكان واحد فى المنصوره
سألت قالوا علشان الحديد
مفهمتش اى حاجه وقلت يمكن مظاهره
لكن اللى عرفته ان الناس كلها اجزمت ان الموضوع ده بقا يومى
وبصراحه مش شطاره منى وقعت على الخبر اللى فهمنى فى جريدة المصرى اليوم
بيقول مشاجرات وإغماءات في طوابير «حديد عز» بالدقهليه
تخيلوا طواااااااابير للحديد
وده لأن الحديد اتسعر بسعر 5990 جنيه مصرى
لكن فى السوق السوده بيباع ب 7500 جنيه شيفين الفرق
وطبعا الناس واقفه تاخد حديد ومش فاهم ايه الموضوع الغريب ده وإغماءات وبلاوى بتحصل والمشكله انك لو عايز حديد تقف فى الطابور وبالبطاقه
يارب ينزل فى فى بطاقة التموين ويكون مدعم بقا
هههههههههههه والله هم يضحك وهم يبكى
وموضوع الإحتكار لما مجلس الشعب يقر قانون

وبعد يومين لأجل عيون الباشا يرجعوا يعدلوه ويدفع النص
اهو الشعب بيدفع دم قلبه اهو ومش مهم المهم الناس الحلوه دى تخرج من الدوره البرلمانيه دى مرتاحه ومريحه حبايبها ويقولوا برافوا دوره ناجحه

ويدفع النص ويلغوا شاهد اى حاجه اسمها شاهد ملك

واللى مش فاهم يعنى ايه القانون ده ممكن يشوف الشرح هنا
http://youtube.com/watch?v=mjtOxCAfHDM&feature=related


القانون ده يا ساده مش هقدر اتكلم عنه بالتفصيل ولكن يتكلم احسن منى الصوت والصوره مع الأستاذ عمرو اديب


فى الفيديو ده

http://youtube.com/watch?v=iGdbLVtz0AI
لأنى مهما اتكلمت مش هوصف القانون ومغازيه شوفوه وقولوا ايه رأيكوا وعلى فكره فى اكتر من حلقه تابعوا المشاهده هناك فى اليوتيوب


وكمان طبعا سمعنا عن الولد اللى كتب فى كراسة الإجابه فى الإمتحان


(حاكم ظالم وشعب مظلوم )


والولد ده اتمنع من الإمتحان وده موجود برده مع الأستاذ عمرو اديب فى الفيديو ده
http://youtube.com/watch?v=fxCC5tQMqng&feature=related
وعلى فكره كل التفاصيل بتاع الموضوع ده موجوده فى الفيديو ده
بس مستنى رأيكوا اوعوا تسرحوا فى المشاهده وتنسوا لأن بجد هتنسوا انا نفسى نسيت انى بجهز الموضوع ده اكتر من مره لما ادخل واشوف المهازل دى
هقول ايه تانى اتكلم عن الإمتحانات والثانويه العاميه اللى بتسبب صداع وارتفاع فى ضغط الدم

فى كل عام فى نفس هذا الموعد
واللى حصل فى المنيا ولا ولا ولا
اتلكم عن ايه ولا ايه انا هقول حاجه واحده الفساد بيكتر ومش عارف احنا رايحين فين
( حسبى الله ونعم الوكيل)
.