كتير بيسألونى انتى مين (هى دى مصرمنتظره ايه تانى ممكن يحصل فيها )


عيد اضحى سعيد على احلى مدونين


كل عيد وكل مصر بخير
كل عيد والعالم العربى بكل خير
كل عيد والعالم الإسلامى بكل خير
كل عيد والناس الطيبين بألف خير
كل عيد وكل المدونين بخير وبصحه وسعاده ورقى وثقافه وعقل كبير وقلب حديد
كل عيد وكل حبايبى بكل خير يارب
كل سنه وانتوا طيبين

مصرى وافتخر قولى إنت مين




ايوه انا مصرى وافتخر


انا عايز اى جزائرى محترم وده ان كان موجود فعلا منهم محترم انه يكون بيفتخر انه جزائرى دلوقتى
فلو كان هناك محترم فله منى كل التقدير
اما الزباله ولاد الزباله الهمج ولاد الهمج اللى رافعين شعار البلطجه دول احنا نقدر نربيهم هما وحكومتهم الغير محترمه بالمره حكومه احنا نقدر نربيها الحكومه اللى لغاية كتابة هذا المقال لم تحرك ساكنا ولم تبدى اسفها على ماحدث
انا اول مره اشوف حد بيكدب كدبه ويصدقها بالطريقه دى

اول مره اشوف بجاحه وتناحه كده
اول مره اشوف حد يطبق نظام ضربنى وبكا وسبقنى واشتكى
الأحداث الأخيره اللى حصلت بين جماهير مصر وبلطجية الجزائر مش ممكن كنت اتوقعها ابدا ولا كان حد يتوقعها
فريقنا لما راح هناك اكتر من مره ضربوهم وكثروهم كانوا بيدوهم على دماغهم ومع ذلك نقول احنا الكبار ولازم نستحمل لكن لحد امته هنفضل نستحمل


لحد امته هنفضل محترمين علشان احنا الكبار
قالوا ان الأتوبيس بتاعهم انضرب فى المطار والتقرير المعمل الجنائى قال انهم كدابين وهما اللى كسروا االإتوبيس من الداخل
قالوا ان المصريين قتلوا 14 جزائرى وطلع السفير بتاعهم المتآمر هوالآخر فى مصر بعد ثلاث ايام كامله وكدب الجرايد الحقيره بتاعتهم ولكن بعد ان تم شحن المتعصبين اللى مش بيفهموا يعنى ايه وطن ولا دين ضد مصر ستهم وتاج راسهم غصب عنهم وعن اللى يتشدد ليهم

حرقوا العلم اللى مفروض يشولوه فوق رؤسهم وقالوا شوية عيال وكبر
ضربوا الناس فى كل مكان فى السودان وفى بلدهم وفى فرنسا والمانيا وانجلترا وقالو عيال وكبر دماغك
قالوا علينا يهود وقالوا عيال وكبر دماغك
مثلوا اللاعبين بصور ممثلات وقالوا عيال
ومثلوا حسن شحاته بلبس عروسه وتزف لمدربهم وقالوا عيال
ولكن كمان العيال تقدر تتحكم فيهم لدرجة انهم يبعتوا نفس العيال الصيع للسودان بطيران حربى ده كده اللى حاكم البلد يبقى الشوية عيال دول ولازم نكبر فعلا دماغنا
ايوه نبعد عن العيال واحنا ايه يجبرنا اننا نكون اخوه ولا اشقاء فى العروبه مع شوية صيع مرتزقه بلا اشقاء بلا عروبه بقا وكفايه لحد كده
كفايه التعامل مع شعب كان فى يوم من الأيام فى حروب اهليه وكان بيهون عليه اهله واهل بلده ويلتجأ الى قبيله اخرى لمساندتها على اهله
وبيتهمونا اننا اليهود طيب انتوا عملتوا ايه للإسلام قدمتوا مين للإسلام
انتوا معظم عيشتكوا فى اوروبا ومفيش عندكوا شرف العروبه ولا غيرة العربى على العربى او حتى على اخوه
وكفايه ان وكالات العالم كله بتقول منتخب بلدنا منتخب الساجدين

فريق الساجدين منتخب الساجدين انتوا بقا تطلعوا مين ؟؟

انا بعتذر طبعا عن عدم ظهور البوست ده فى الوقت المناسب وهى بعد الأحداث مباشرة لأن كان بوست كلما كتبته واعيد قرائته اجده لا يدل عن صفاتى نهائيا وكنت كلما قرأت ما كتبت اعتبره اهانه لى من كثرة الألفاظ الخارجه فقد فقدت اعصابى لفترات طويله جدا

واعتذر ان كانت بعض من الألفاظ خارجه ولكن ويعلم الله انى قد فلترتها قدر الإمكان وليس فى الإمكان افضل مما كان

المصرى اللى على حق يقول للغط لأ


ده الشعار اللى صدعونا بيه طول شهر رمضان الكريم واللى بيظهرنا بشكل مش كويس امام العالم وامام انفسنا وهقولكوا ليه

اول ما عرفت اللى حصل فى العياط كتبت مقال وكان يحمل نفس العنوان بس لأنى كنت فيه بأطالب الوزير انه يستقيل فورا الا ان الوزير فعلا استقال او بمعنى ادق اقييييل بناء على تعليمات من الرئاسه لرئيس الوزراء
كان الأكرم للوزير انه يستقيل فور وصوله مكان الحادث وكان ده هيكون احسن دليل على نزاهته وعلى الأقل انه يبين التعاطف مع اهالى الضحايا والمصابين بهذا البيان

لكن الوزير لما قعد فى لجنة التحقيقات فى مجلس الشعب قال انه لن يستقيل وبيتحدى انه يستمر ويضفى طفره فى عالم النقل والمواصلات وفضل يقول خطب وشعارات فى نفسه بقالى ثلاث سنوات وانا شغال والعمليه زى الفل وجبت قاطرات جديده للسكه الحديد وطبعا اعلن عنها بفلوسنا بالإعلان الحقير الزباله اللى كلف الدوله من فلوس الشعب الملايين علشان يطلع فى رمضان ويقول ان المصرين عباره عن شويه حرميه بيسرقوا حمامات القطر او شوية ناس مقززه وكأننا فى دوله كلها عصابات ومش شوية حرميه ولا مشاغبين نقدر نتحكم فيهم بكل اجهزة الدوله ونسى الوزير ان الجهاز المركزى للإحصاء اثبت ان مصر ولله الحمد الأولى على العالم فى الحوادث

ونسى سيته ان مصر اكبر نسبة وفيات بسبب الحوادث فى العالم يعنى حوادث مش سهله ولا قليله

عموما كنت لازم اقول لأ . لأ لأنى مصرى على حق
لو سألت ام مات ابنها فى الحادث او زوجه مات زوجها او عائله مات عائلها فى الحادث عايزين تقولوا ايه
كلهم هيصرخوا ويقولوا لأ
لأ لكل غلط فى مصر كلهم
السؤال بقا ليه بنقول لأ بس بعد فوات الأوان
ليه مش بنعرف نقولها الا بعد ما يعدى قطاار الموت
ليه الإهمال فى شارعنا وفى طرقنا وفى مواصلاتنا
ليه حتى الإهمال فى معاملتنا

وليه الإهمال فى السكه الحديد اللى بيقول نائب رئيس مجلس الإداره ان الحادث كله بسبب جاموسه معديه والقطار السابق خبطها فتسببت فى تعطيله وبناء عليه القطار الاحق خبط فيه

(على اساس انه راكن صف تانى مثلا ولا الشبوره حجبت الرؤيه حاجه عجيبه)

كان فين السواق لما القطر اتعطل ومساعد السواق واللى مسئول عن اقرب كشك واللى قاعد فى المركز الرئيسى علشان يبلغ القطر الصادم ان فيه قطر على بعد اكثر من نصف ساااااااااعه كامله علشان ياخد باله ومش يخبط فيه
جريدة المصرى اليوم عملت حوار مع سائق قطار حوار يرعب السواق قال فيه انه بيكون طالع الصبح او الورديه بتاعته وهو شايل كفنه على ايده
بالزمه مش حاجه ترعب وتخوف شوفوا الحال بقا لغاية فين يبقى ايه حال الركاب لما يكون ده حال السواق

واللى عرفته ان فيه اجهزه دلوقتى فى القطارات تعتبر زى السائق الألى ودى بتحس ببعضها وبتحس بالطريق إلا ان السواقين ممكن يقفلوها لأنها بتتحكم فى سرعة القطار واحنا بطبعنا مش بنحب حد يتحكم فينا
كل ده بيصب فى المسؤليه الجنائيه
اما المسؤليه السياسه واللى بسببها استقال الوزير فخلاص هو أخد عقابه لكن تفتكروا ان هو ده الحل ؟

والسؤال بقا دلوقتى يا ترى هنقول لأ ولا هنستنى نقولها لما يفوت الأوان هو ده السؤال يا مصريين ياللى على حق

عفوا يا شيخ الأزهر


عفوا يا شيخ الأزهر
عفوا يا صاحب أكبر منصب اسلامى فى العالم
عفوا يا صاحب المنصب الوحيد الذى لايملك اى احد ينحيه عنه

عفوا يا صاحب السعادة

النقاب فضيلة بإجماع الأئمة الأربعة


هذا هو موجز كلامى لصاحب الرأى السديد والعمر المديد شيخ المشايخ

ولن اخوض فى امور دينيه لأنى لست اهلا لها

كل ما أقوله لك يا شيخ

ما الضرر الذى حل عليك عندما لم ترى وجه الطالبة يكفيك انك رأيت من العرى فى الشارع ومجتمعنا ما رأيت ولم تحرك ساكنا وانت شيخا للأزهر

ما يضرك فى ارتداء الحجاب والزياده عليه بالنقاب اليس الحجاب فرض فلماذا لم تصدر قرارا مثل القرار الذى تنوى ان تصدره بتحريم النقاب فى المعاهد وهو اجبار الطالبات على ارتداء الحجاب الذى هو فرض بالفعل بإجماع الأئمه والقرآن والسنه

نعم النقاب ليس فرض ولكن هل تكلمت عن البدى والتى شيرت والبنطولون الجينز وما الى ذلك من ملابس تصف وتشف مما يرتديه بنات الإسلام
لماذا تكلمت عن النقاب ولم تتكلم عن ما يرتديها الآن بناتنا بنات الإسلام
نعم إن النقاب ليس فرض وان كشف الوجه ليس بعوره ولكن كشف اكثر من الوجه هو العوره لما الصمت عنها وتكلمت عن هذا انه الفضيلة التي وصفها ألائمه الأربعة

نعم نعلم انه ليس فرض ولكن ألا تعلم إن الدفاع عن المسجد الأقصى الذى يدنسه اليهود الآن هو الفرض
فأين أنت يا شيخ الأزهر من الدفاع عن الأقصى الشريف والدفاع عن اول قبله للمسلمين ومسرى رسول الله
أليس له الحق فى الدفاع عنه

اتركوا من هم مرتدين وتكلموا عن من هم معترين




وأخيرا يا أيتها المسلمة
يا أم المسلمين
ويا أخت المسلمين
ويا بنت المسلمين
حافظن على عرضكن وعرض أبائكن وعرض الإسلام بارتداء الحجاب ومن تطوعت وارتتد النقاب فهو لها وجاء وفضيلة تثاب عليها يوم القيامة


ويا شيخ الأزهر فى مجتمعنا عادات وعادات.. وبدع ومحدثات، ومعاصي ومنكرات تحتاج إلى تلك الوقفة منك يا شيخنا



يا شيخ الأزهر




وداعا رمضان واهلا بالعيد






بعد ان زوقنا حلاوة الصيام


وبعد ان تزوقنا جمال القيام


وبعد ان ارتوينا من حروف القران


فهنيئا لمن فاز برضا رب رمضان

هنيئا لمن فاز بالجنة فى رمضان

هنيئا لمن يفرح اليوم بالعيد بعد رمضان

نقول لك يا رمضان وداعا ونراك فى العام القادم ان شاء الله على خير


والى العام لقادم نعدك جميعا ان نستمر على العباده مع ربك وربنا ورب كل شئ كما كنا نعبده فيك لأن رب رمضان هو رب شوال
واعلموا ان الطاعه لا تعلم انها قد قبلها الله الا اذا اعقبها طاعه
فاللهم اجعلنا فى طاعتك واعصمنا من معصيتك

يارمضان شرفتنا ونتمنى ان تكون شاهدا لنا يوم القيامه ولست علينا





كل عام وانتم بخير وكل المسلمين بكل خير


ان شاء الله يكون المسجد الأقصى معنا فى العام القادم

وعيد سعيد عليكم جميعا


نكته على الماشى



( فى هذا العيد نقول عيد مبارك

اما فى العيد القادم نقول يا جمال العيد )

والحدق يفهم


:)






السلام عليكم

كانت قريتنا ليلة امس عباره عن سكنه عسكريه بعد ما حدث من مشاجرات بين المسلمين والمسيحين فيها أول امس

فى عصر يوم اول امس حدثت كل المشاجرات ابتداءا من الساعه الواحده ظهرا
عندما سمعنا عن ان احد شباب القريه من المسلمين اتهم كذبا وافتراءا عليه ولعمل حجه لضربه من قبل بعض الشباب المسيحى
وبعد ان ابرحوه ضربا تم عمل مصالحه بينهم وفى نفس الوقت تقريبا ضٌرب شابا اخر من شباب القريه من المسلمين وهو سائق لتوكتوك وتم عمل المصالحه وتم التراضى والصلح فى الحالتين وذلك بعد تدخل راعى الكنيسه القمص مكارى وفضت الإشتباكات على هذا الا ان بعض الشباب المسيحى لم يجدوا ما فعلوه خطأ وان هناك من يساندهم فقدموا فاصل اخر من استعراض القوه على شباب القريه وهذه المره كانت الثالثه وزى ما بيقولوا التالته تابته
تقريبا هى هى نفس المجموعه من الشباب المسيحى وضربوا شابا اخر كان متجها الى منزله عبر الشارع المؤدى الى بيته ولكنهم اعترضوه وابرحوه ضربا مما ادى الى هتك فى وجهه وشرخ فى زراعه
وبعدها علم شباب القريه ان كل ما يفعله الأمن والقص راعى الدير هو الصلح ولكن المشكله ان نفس المجموعه تخرج وتفعل نفس الفعله
فقرر بعض من شباب المسلمين بالقريه الفتك بهؤلاء الشباب المتعجرف من المسيجين الزائرين
ولكن تدخل الأمن لحماية هؤلاء الشباب واخذهم الى نقطة الشرطه فى القريه وعلى حسب ما سمعت انه تم ضربهم حتى يهدأ شباب القريه الذى كان متحمسا جدا جدا لقتالهم وكان لابد من تهدأتهم بأى وضع وحتى الأمن كان غير قدار على شباب المسلمين نظرا لما فعلوه هؤلاء المسيحين بثلاث شباب من القريه سواء مسلمسين او مسيحين انما بدون اى وجه حق

الصور باين فيهاعدد من قوات الأمن ومن اعلى الصور الجامع والكنيسه وباين القرب بينهم كبير وهو شارع يفصل بينهم فقط


وبعدها بقليل فوجئنا بحركه غريبه وسريعه من قوات الدفاع المدنى (المطافى ) واخبار تتردد عن وقوع حادث حريق بالمخيمات الموجوده بالمولد وهذا ما كان واخبار تتردد عن وجود اربع حالات مشتبه بها من انفلونزا الخنازير
وحاليا تم احتجاز خمس مسلمين واتنين مسيحين على غرار كل هذه الأحداث


انا طبعا حكيت ليكم القصه دى ليه مش لأنى بقول نشرة اخبار
انما سؤال وبطرحه
ليه كل ده ؟
مين السبب فيه؟
هل الإحتفال بالمولد كان ضرورى؟
ولا كان احترام رغبة القريه مسيحين ومسلمين هى كانت الأهم من الغاء المولد حسب توصيات وزارة الصحه؟
الإحتقان اللى حصل عند اهل القريه من المسلمين بإلغاء مولد سيدى محمد بن ابى بكر واعمار مولد مارجرجس بقرار من السيد الوزير محافظ الدقهليه
بعتقد ان الإجابه على كل ما حدث هتكون عند كل اللى يقرأ البوست ده
وكل من قرأ البوست اللى فات لأنى انا نوهت وقولت ان الناس فعلا مخنوقه ومتدايقه من هذا الإحتفال
وهى دى النتيجه اللى وصلنا ليها
بعدما كان يمر المولد بصداقات بين الزائرين واهل القريه من المسلمين والمسيحين
مر وفيه عداء بين الزائرين واهل القريه وبين المسلمين والمسحين من اهل القريه اصبح الحال غير الحال
والسبب ايه؟؟
انتو عارفين ايه ؟؟؟
وسلامى لكل الجهات التى ساعدت على اعمار المولد هذا العام وعجبى

ملحوظه مهمه

ذكر الأحداث جاء بدون ذكرا للأسماء وذلك حفاظا على مشاعر من هم اصحابها

مرحب شهر الصوم



الله الله يا شهر الصيام
الله الله يا شهر القرآن

حللت اهلا ونزلت سهلا
بكل سعاده وسرور


تستقبلك يا خير الشهور

كم انت جميل
ضيف مليئ بالهدايا والنفحات
تريد ان نقتبس منك كل الهدايا ولكن منا من يرفض
فيا أحب الشهور الى قلبى والى قلب امة المصطفى اجعل نفعنا بك اكثر واكثر مما نتوقع وننوى


والله إن قلبى ملئ بالسعاده لدخولك وهلة هلالك علينا
وكنت اتمنى ان تعود وانا على قيد الحياه والحمد لله الذى بلغنا رمضان

فلن ادع الفرصه وسأقتنص كل ما يمكن من هداياك وعطاياك المحمله من رب العرش العظيم سبحانه معك

ادعو الله العلى الأعلى ان ترجع اليه ويسألك عنا فتقول وجدت امة طائعه خاشعه ساجده لا تخاف فى الله لومة لائم


حبيبى ايها الشهر الكريم هذه الكلامات لا تدل على مدى فرحتى بعودتك ولا تدل بعشر ما اتمنى كتابته ولا تدل بعش ما احسه الأن من فرحه بعودتك يا حبيبى



فمرحبا بك ايها الغالى
مرحبا بك ايها الحبيب
مرحبا بك ايها الطبيب
مرحبا بك يا شهر الصيام والخيرات

انقذوا 2 مليون شخص من الفيرس



طبعا كلنا عارفين موقف وزارة الصحه والقرار اللى اخدته بخصوص الموالد فى مصروالمحافظه على المواطنين من الفيرس H1N1

وهو قرار الغاء الموالد فى مصر كلها وبدون استثناءات

انما محافظة الدقهليه كان لها رأيا اخر فى هذا الشأن

الحكايه بالتفصيل
احنا فى قرية ميت دمسيس التابعه لمركز اجا محافظة الدقهليه كل عام يقام فى مثل هذا الشهر اغسطس مولدين احدهما تابع للديانه المسلمه والأخر تابع للأخوه الأقباط الأول يحضر فيه ما يقرب من 2000 الى 3000 شخص مسلم

والثانى يحضر فيه حوالى ما يقرب من 2 مليون مواطن مسلم ومسيحى واجانب من خارج الدوله ودائما فى القريه ما نرحب بالضيوف
اما فى هذا العام عندما علمنا بقرار وزارة الصحه بإلغاء الموالد كنا فى غاية السعاده لأننا كنا فى رعب على انفسنا وعلى ابناء قريتنا من الأطفال بسبب المرض المنتشر انفلوانزا الخنازير والذى ينتشر اكثر فى الأماكن المزدحمه
وما اكثر الأماكن المزدحمه فى الموالد
وهذا الفديو يوضح الزحام الشديد فى هذاالمولد

وكنا على اقتناع تام بأن المولد لن يتم هذا العام رغم محاولات القص راعى الدير فى الكنيسه مع المحافظه لإقامة المولد ولكن المحافظه كانت ترفض طلبه رفضا تاما الى ان تدخل وتوسط مع المحافظه والإتفاق معها الأنبا بيشوى، سكرتير المجمع المقدس مطران دمياط وكفر الشيخ والبرارى

فوجئنا بموافقة المحافظه على اقامة المولد والإحتفال به ولكن بالإتفاق مع الأنبا انه تقلص عدد ايام المولد من 8 ايام الى 5 فقط

وحتى لا تكون هناك فتنه والقيل والقال ولماذا لم يقام المولد التابع للجهه المسلمه فقط اسدعت المحافظه ومديرية الأمن والأمن العام وامن الدوله بعض من اهالى القريه ومشايخها ومشايخ الطرق الصوفيه لإقامة الإحتفاليه بالمولد التابع للمسلمين فى حين انهم ابلغوهم بإعتراض اهل القريه مسلمين ومسيحين على اقامة الإحتفالين بالمولدين ولكنهم قالوا لهم ان المولد لابد ان يتم ولتأخذ اى قدر من المال حتى تقيموا المولد حتى يقام المولد الأخر دون ضجر من المسلمين المقيمين فى القريه وخارجها وحتى لا يتعرضوا للقيل والقال

فها نحن الأن نعيش فى رعب بعد علمنا بإقامة المولدين ونخاف من حدوث كارثه صحيه وتصبح قريتنا منطقة حجر صحى وممنوع الإقتراب منها

فأنا من هنا اناشد السيد اللواء سمير سلام محافظ الدقهليه والذى اشتهر بيننا بحكمته وشدة قراراته ، بإعادة النظر فى قراره هذا

واناشد وزارة الصحه فى شخص السيد الدكتور حاتم الجبلى البت فى هذا الموضوع وان لم يصل له صوتى من هنا فرجاء من يستطع ان يوصله له فله كل الشكر

فمن غير المعقول ان يقع اكثر من 2 مليون شخص فريسة للمرض وذلك نظير الإحتفال بالموالد
وان كان الأمر ضرورى للإحتفال بالموالد هذه
فلنحتفل
ولكن قبلها علينا ان ندبر ( 2 مليون مصل مضادا للفيرس ) وان لم يكن بالإمكان وهو بالفعل ليس بالإمكان
فلندبر ( 2 مليون كيس بلاستيك ) لإحتواءالمتوفين من المرض

اناشد كل قلب رحيم انقذوا هذه القريه من الضياع والهلاك


ياربى لك الحمد ولك الشكر

اللهم لك الحمد ولك الشكر
ياربى لك الحمد كما ينبغى لجلال وجهك وعظيم سلطانك
ياربى لك الحمد حتى ترضى
ولك الحمد اذا رضيت
ولك الحمد فى كل وقت وحين
ولك الحمد الى يوم الدين
اللهم لك الشكر على ما أعطيت
ولك الحمد على ما اخذت
اللهم انى اسألك أن تخلفنى خيرا مما اخذت
إنك نعم المولى ونعم النصير

عوده ( وكام رأى )




بسم الله
طبعا بسلم على الجميع وعلى مدونتى اللى وحشتنى جدا واللى انا متأكد انها زعلانه منى جدا جدا ولكن انا كنت غايب عنها بالقلم بس انما قلبى كان معلق معاها فى كل وقت
وعلى فكره انا مش بطلت كتابه فى الوقت اللى فات كله تقريبا خالص انا اتأخرت حوالى شهرين بالظبط ولكن كتبت موضوعات كتيره ولكن كان ليها توقيتات ومش ينفع اقول اللى كتبته بالنص ولكن بس كانت مجرد تعبير عن رأى

يعنى مثلا موضوع اوباما وزيارته للقاهره وكانت ملخص المقال بيقول انى أنا رأى من كلامه انه عامل زى بالظبط الأفعى زات الملمس الناعم جدا جدا ولكن ما بداخلها سم فتاك وينتظر الفرصه لوضعه فى فريسته
وكمان انا شايف ان مفيش اختلاف كبير بينه وبين بوش يعنى ثبات السياسه ولكن مع اختلاف اللسان

وكمان هزيمتنا المشرفه امام البرازيل وفوزنا علىالمشرف على بطل العالم ايطاليا بعد متش ايطاليا مباشرة كنت حابب انشر المقال كامل لأنى بجد افتخر بهؤلاء اللاعبين الأكفاء وحتى بعد الهزيمه من امريكا كنت فخور بيهم برضه ومازلت فخور رغم ما قيل على صدر صحيفه يهوديه وكمان المصرى الأديب عمرو اديب وتصديقه ما قيل على هذا الجيل من اللاعبين
وكم كنت اتمنى ان يدافع عنهم فى برنامجه اللذى خسر ملاين المشاهدين بعد هذا اليوم اللذى اتهم اللاعبين الشرفاء بالنجاسه
كنت اتمنى ان يدافع ويقف معهم ضد الصحيفه وليس مع الصحيفه ضدهم





وكنت كتبت مقال عن المتغطرس جوزيه مدرب النادى الأهلى السابق
هذا المدرب رغم اهلوتى الكامله الا انى لم احترمه يوما واحدا
فهذا المدرب بعد خروجه من مصر اتجه الى توبيخ كل من عمل معه وكل من علا من شانه فى النادى فإتهم حسن حمدى رئيس النادى بأنه انزعج جدا عندما قال له انه سيترك الفريق فى أخر الموسم وتحايل عليه وانه تنازل عن الشرط لأنه لم يكن هناك شرط جزائى اقول له انتظر الأهلى تركك ترحل لأن من أحب النادى خوفا من الشرط الجزائى لن ينجح فى مهمته مع النادى اما من يستمر فى عمله فى النادى حبا فى النادى فالنادى مرحب به ولن يكون الشرط الجزاء هو القيد عليه انما الحب للنادى اكبر قيد له
وقال ما قال على الإعلام والصحافه المصريه وسبهم وهم سبوه ولن اخوض فيما قال او قالوا عليه
اما بخصوص اللاعبين قال ان اللاعب المصرى لا يتحمل المسؤليه وانه لاعب فاااشل اقول لك انك اكثرمدرب رزق بعمود فقرى عباره عن لاعبين لن يتكرر فى تاريخ الكره المصريه فى فريق واحد مره اخرى والعمود الفقرى هو
عصام الحضرى السد العالى
عماد النحاس الأمان وعن يمينه ويساره شادىمحمد ووائل جمعه الصخره
فى الوسط شوقى السيذر وعن بجواره اما حسن مصطفىصاحب الرئات الثلاث او حسام عاشور او حسام غالى
وامامهم فنان الكره المصريه تريكه الله يوفقه دائما وبجواره بركات الزئبقى
وامامهم فى الهجوم
عماد متعب مؤلم الحراس ومن قبله بيبو الصغير خالد بيبو وبلال القناص وحسنى الصياد

هل علمت لماذا انت محظوظ نعم محظوظ فلن يتوفر جيل مثل هذا الجيل المتدين المحترم الفنان في كل شئ فى الملعب وفى التصريحات وفى الحياه الخارجيه للملعب


هذا الفريق وفره لك مجلس الإداره الذى سخرت منه

ايها المتغطرس جوزيه سنرى وسيرى الجميع انك انت الفاشل مع انجولا وسوف تعود منها مزلولا ومكتوف الأيدى مهزما ولن تجد فى انجولا تريكه اخر يحصد لك البطولات
ومن الأخر ورينى بقا هتعمل ايه يا عم الناصح


انا طبعا وضعت المقال كامل لأن الموضوع الأخير ده ازعجنى جدا انا اختصر منه اقل القليل
واعتزر للإطاله عليكم
وسلامى للجميع







أيها المسئول
هل أنت المسئول ؟

هل أنت المسئول عن شاب تخرج ولم يجد ما يعمله غير طريق الانحراف والضياع ؟

هل أنت المسئول عن فتاه لم تجد زيجة هنيه فتزوجت من عجوز

لأن حبيبها لم يستطع على الزواج منها بظروفه الصعبة


هل أنت المسئول عن أب لم يجد لأولاده العيشة الكريمة فمات من غيظه وحسرته

هل أنت المسئول عن ابن لم يستطع أباه أن يتمم تعليمه هو وإخوته فاتجهوا أما للضياع في الدنيا ودنيا الانحراف فزادت نسبه الجريمة أو الطريق الأخر وهو النصب وكلاهما غير شرعي

هل أنت المسئول عن أم لا تستطع أن تكفى طلبات بيتها بعد وفاة زوجها وما زالت تجرى وراء فتافيت المعاش وان أخذته لن يكفى فهو فتافيت


أقول لك أيها المسئول هل هل أنت المسئول عن الأسرة المصرية ؟

أن لم تكن أنت المسئول فمن المسئول


أيها المسئول اجبني من المسئول؟


إن تعرفت على المسئول الحقيقى فأخبره وقل له حل هذه المشاكل أو إسعى في حلها قبل أن يحدث شئ من اثنين
إما أن تنهار هذه الاسره فتموت وبهذا تموت مصر
أوأن تنهار الأسرة وتتجه للكسب الغير مشروع وبالتالي تموت مصر من الخراب الذي سيحل عليها



أيها المسئول إن كنت لست المسئول فتنحى جانبا ودع من يقوى على المسئولية أن يعمل بدلا منك دون محسوبيه ولا نفاق

ولكن بكل نزاهه وحياديه

كل هذه اسئله دارت بخاطرى عندما رأيت حال الأسره المصريه مع انتشار الكوارث بها ولا اعلم الى اين تذهب هذه الأسره

كل سؤال اعلم انه يحتاج الى موضوع مستقل ولكن اجمعتها ليتأمل فيها المسئول دون تعب او مشقه لعلى اكون سبب ان يغير فكره او يطوره لصالح هذه الأسره وبالتالى يكون لصالح مصر

كده او كده انا ميت ميت




كده اوكده انا ميت ميت
كلمه صعبه والسبب فى انه يقولها ظروف صعبه

ليه مصر وليه شباب مصر واشمعنا إحنا المصريين لما نسافر بنكون مهانين بره بلدنا ما الدنيا كلها بتسافر
كلمات كثيره مع نبرة حزن من شاب مصرى صديق شخصى لى حاول السفر وكان ماكان من امور النصب والغرق والنجاه دار هذا الحوار


البدايه

· انت عارف انك كنت ممكن تغرق فى البحر؟
هو : وهتفرق فى ايه؟
· مش فارقه معاك ؟
هو : يعنى انا كده كده غرقان غرقان بل بالعكس كان هناك ممكن اعدى البحر انما هنا مش لاقى بحر اعديه هناك كنت ممكن اعدى لبر الأمان انا واهلى انما هنا الأمان مش لقينه
· وانت شايف ده حل ؟
هو : انت عندك حل تانى ؟
· ايه اللى مش عاجبك فى البلد دى؟
هو : انت ايه اللى عاجبك فيها ؟
· مش جايز ينصلح حالها وبالتالى حالك ينصلح معاها
هو : لحد امته هنضحك على نفسنا يا عم البلد دى اللى فوق بيعلى اكتر واللى تحت بينزل اكتر واكتر شوف انا متخرج من امته واشتغلت فى ايه واللى بكسبه بيكفى بيتى ويكفينى ولا لأ ؟

· انت جيبت فلوس السفر منين ؟


هو : تحويشة عمرى انا وأهلى والباقى سلفه من ايدى الأحباب والاصحاب وجمعيه وكده وانت عارف الباقى
· وكنت ناوى على ايه فى سفرك ده؟
هو : كنت ناوى ارفع اهلى من الفقر اللى ملازمهم ده ونعيش زى باقى الخلق
· وانت كده مش عايش ؟
هو : ان كان على الرضا بقضاء الله فأنت اعلم الناس بأنى والحمد لله شاكر لنعمه عليا انما لما نفكر فى الماديات وتحسين المعيشه اعتقد انه من حقى انى افكر انى اعيش فى مستوى احسن من المستوى المتدنى ده اللى انا فيه انا واهلى وبصراحه لو فضلت هنا طول عمرى ماسك لناس حساباتهم واعمل بروحين حتى اتزوج لن اتزوج ابدا وهفضل فى الشقا ده لغاية ما اموت
· طيب ما تتكل على ربنا وهو اكيد هيساعدك
هو : ونعم بالله وانا كمان متكل على ربنا بس كمان اسعى ياعبد
· واللى انت عملته ده سعى ولا انتحار لما تروح ترمى نفسك فى التهلكه
هو : طيب واللى احنا فى ده اسمه ايه ؟
· اللى هو ايه ؟
هو : حالنا فى بلدنا نسميه ايه ؟
· هو ايه اللى فى حال البلد
هو : حالنا انا بسميه الموت البطئ واللى يستسلم للموت ده ده كمان يبقى متهم بالإنتحار
· طيب ما تحاول تغير
هو : اغير ايه ؟ انت ناسى احنا فين ولا ولا اللى يتكلم بيجراله ايه ولا انت مفكر ان فى ديمقراطيه صحيح
انسى يا صاحبى
· اخر سؤال بتحب مصر ؟؟
هو : بحبها اكتر من نفسى بس بكره حكوماتها



كان هذا الحوار واعتقد انه حوار مش مع هذا الشاب فقط وانما مع شباب كتير جدا


وعلى فكره انا استأذنته انى انشر هذا الربورتاج وهو وافق بدون حتى مجرد تفكير

ولكم التعليق



يوم 6إبريل من العام الماضى كان حدث كبير جدا وهو اضراب الشعب المصرى طبعا مش كله انا عملت اضراب من نوع خاص جدا وهو كان الإنطلاقه الرسميه لمدونتى العزيزه إبن مصر
كنت عارف ميعاد الإضراب مسبقا ومش لقيت حاجه احسن من المدونه انى اوصل بيها صوتى لكل اللى انا عايزه
عرفت ناس كويسين كتييير وعرفت ان فيه ناس مش كويسه برضه بس اكتر بكتييييييييير
أتعاملت مع المدونين اللي لقيت فيهم الصديق اللى ممكن احكيله عن سرى ولقيت فيهم اللى مش ينفع اعتبره حتى زميل

فبقول لمدونتي الغالية عليا جدا
(إبن مصر ) كل سنه وهى طيبه

نيجى بقا لموضوعنا

فى سلبيات كتير وبتحصل فى كل يوم انما انها تتجمع كلها فى يوم واحد يبقى اكيد فى حاجه غلط


اول حاجه على الصبح راكب العربيه ورايح مصر ركبت العربيه فوجئت بلأخ بيشرب سيجاره فى الكرسى اللى ورايا
كده على الصبح يا عم الحج والله مش ينفع ممكن تطفى السيجاره ده مش أنا دي انسه كانت موجودة
دى صوره من قلب الميكروباص على الجدار اعتقد كلنا بنشوفها

صحيح هى طلبتها بنرفزه ولكن مش مهم المهم انه يقول طيب مش رميها وكده

وده الحوار
هي : إيه ده إإإإإيه ده
هو فيه أيـــــــــــه وأخينا ده من نوعية الناس اللي ممكن يقال عليهم واديا ابوشفه هات الساطور من عندك فى وشه كام شارع كلهم فتحين على بعض محتاج 20 عملية تجميل

هى :سيجاره فىا لعربيه مش انت عارف ان ده ممنوع بصوت عالى جدا ونرفزه

هو : مهيمنيش الكلام ده
انا بقا بكل شهامه طيب بعد ازنك ممكن تطفى السيجاره دى فيها اضرار كتير وطبعا انا بتكلم بأدب وبإحترام ان كان بيزعق فى الأنسه ممكن يعمل معاى انا ايه ممكن الاقى مطوه ضربها فى وشى وابقا انا ابو شفتوره
المهم
هو : أنت مش شايف البت دي بتتكلم ازاى يا يا هندزه يقصد هندسه طبعا
انا : معلش خليها عليا انا
هى : بت بت ايه يا بنى ادم إنت
هو : اتفضل يا عم وعوزنى ارميها
انا : ممكن تهدى بقا شويه يا انسه
هى : بزعيق فى وشى لالا انا عند اول كمين هقولهم وهعرفهم كمان ان السواق ممنعوش
هو : مش مهم ادفع المخالفه انا ايه رأيك بقا

انا: طيب ممكن عشان خاطرى انا ترمى السيجاره اللى قربت تخلص واحنا بنتكلم
هو : مش شايف يا هندزه بس عشان خاطرك انت بس اهو ورماها ويرجع يقول بصوت غيرب مش عارف طالع من اى حته فى جسمه اهو رمناها يا أبله

والسؤال الذى يطرح نفسه لو فعلا واحد زى ده يقدر على اللى فى العربيه كلها ممكن يكون فوق القانون بقوته وفلوسه لدرجة انه مضحى بالمخالفه فى سبيل انه يعاند ولا ممكن تكون المخالفه اكبر بإنه ينزل من العربيه ده لو فى حد قدر له

السلبيه التانيه
الموبايل الصينى اللى بقا فى يد الجميع كبير وفاهم الغلط من الصح وبيعمل الغلط وصغير ومش فاهم حتى الدنيا ماشيه ازاى
بقيت اركب العربيه الاقى كل واحد ماسك الموبايل بيسمع اغنيه مفضله
لديه وياريتها اغنيه بجد انما تلاقى واحد مش عارف نفسه وبيسأل هو مين وبيوق انه هو مش هو وحاجات غريبه رزع وتخبيط وخلاص حاجات تجيب الصداع لا وماسك الموبايل فى ايده بطريقه تعلى الصوت اكتر واكتر حاجه كده تنرفز وتغيظ

طيب لو حصل وفيه واحد تعبان والشعب كله تعبان ممكن ايه يحصله لو سمع كل الأصوات دي ولو قلت لواحد ممكن تسمع انت لوحدك يقولك هو انت حد غصبك تسمع معايا يا عم منا بسمع غصب عنى يقول بلاش تركز معايا
تقوله ايه ده بقا ؟؟

السلبيه التالته بنات بس مش بنات

ده حقيقى بنات مش بنات كلمات تسمعها تخجل ما بالك لو كانت من قالتها أنثى وفى عربه 7 راكب يعنى الكلمات واصله واصله العربيه كانت فيها اربع بنات وام لبنت تانيه بس دول مع بعض يعنى العربيه عباره عن الأربع بنات وأنا والسواق والأم وبنتها
الأم دى فضلت تشتم عليهم بالهجه المصريه القديمه الجميله المليئه بالحيره من جهة هذا الجيل
وبكل تبجح واحده فيهم تقول وانتى مالك يا حجه انتى زعلانه ليه هو احنا بنتكلم معاكى ولا مع بعض
مع بعض ياختى بس ازاى تتكلموا كده والكلام ده تختشى الودن ( الأذن يعنى ) تسمعه هو مش فيه رجاله معانا ترد تقول ليها ايه رجالة ايه يا حجه الرجاله خلصوا هو بقا فيه رجاله
الرجاله كانوا زمان ايامك وايام الأسطى ايام السمنه البلدى
انما دلوقتى الرجاله بقوا بالكلام وبس ولا ايه يا باشا وطبعا انا الباشا ده طيب انا ارد اقول ايه اخرى بصيت بصة استهجان وبصيت ليها من فوق لتحت وتكشيره مليه وشى وهى مش لقت كلام تقوله غير الكلام اللى مستمره فيه ولولا ان السواق ضحى بالمشوار بتاعه وقال ليهم اللى مش هتحترم نفسها وتحترم الناس الموجوده فى العربيه قسما برب العزه لأنزلها منها وفى وسط الطريق ولا هطول سما ولا أرض
إحترمى نفسك انتى وهى
وطبعا أنا ساعتها انبهرت بالسواق وقولت اهو الرجاله بقوا مش بالكلام يا ام اللسان المتبرى منك

وطبعا كان ده فى يوم واحد
بيقولوا خبطيتن فى الرأس توجع ما بالكم بتلاته


((تنويه مهم))

طبعا الحاجات دى مش موجوده فى مجتمعنا المصرى اوى يعنى انما موجوده ولو بقدر قليل بدعى من ربنا وعايز الكل يدعى انها تختفى خالص
والكل يخاف على بعضه ونحافظ على شعور بعض

من أنتـــــــــى؟؟؟؟


من أنتــــي ؟؟؟
أأنت حلم أم خيال؟
دايما حبيبتي واخده البال
أنا عمر قلبي لغيرك ما مال
دايما بيجى في بالى سؤال

من انتـــــى ؟؟؟
أأنت الجمال والدلال
أم انتى الحقيقة والخيال
انتى الجواب والسؤال
من انتـــــى ؟؟؟؟
أأنت ساحرة تملكين القدرة على امتلاك قلوب البشر ؟؟؟؟
أم انتى عاشقة حفر اسمك على الحجر؟؟؟؟
أم انتى ملاك أتى مع الرياح وسقط مع المطر ؟؟؟


من انتــــــى ؟؟

لم أرى مثلك على مر العصور
حبك كمثل أمواج البحور
رائحتك أجمل من عطر الزهور
من انتــــى؟؟؟





حبيبتى هقولك من قلبى كلمه
تبقى معاكى طول الزمان
بحبك ياعمرى يا أغلى هديه
من ربى ليا
يسعدنى بيها فى الدنيا ديه