يا حبيبى
هل اعدت للرحيل ؟؟
هل اعدت للسفر؟؟؟
هل قرب هلالك على الرحيل؟؟
والى متى ستغيب فأنا اشتاق اليك من الأن
لقد نزلت علينا ضيفا عزيزا مليئا بالهدايا والخيرات والكرم
والحقيقه انك لست ضيفا وانما عليك نحن الضيوف
فهل اكرمتك كما اكرمتنى؟؟
فهل اديت واجبى نحوك
يا حبيبى
هل سنتقابل ثانيا أم هذا الرحيل بلا عوده
ويكون اللقاء القادم فى دار الخلود
يوم العرض على الرب المعبود
وهل ستكون معى من الشهود ام تكون عليا انت شاهد
يا حبببى
يا حبببى
دمعى لفراقك ينزل فأنت خير صاحب
الصديق الذى لا اكل منه ولا املالناس تحسبك بالأزمان ولكنى احسبك من الخلان
حبيبى
سأنتظرك فى العام القادم
فلا تتأخر عليا وإن جئت ولم تجدنى فإعزرنى
واعلم انى فى دار غير الدار وفى مكان غير المكان
فمن يدرى ومن يعلم
وادعو لى وقتها اكون فى امس الحاجه لدعائك هى دار البقاء والى اللقاء
يا حبيبى يا رمـضـان
هناك 34 تعليقًا:
الللللللللللللللللله
الللللللللللللله بجد فعلا رمضان هيوحشني اوي
وميرسي علي تهنئتك الجميله
وان شاء الله يكون في تواصل
تحياتي
كيارا
أحسست بشي غريب أثناء قراتي للموضوع الجميل .
ذات طابع لا أقدر على وصفه .
ولكن أحسست باني رمضان ( وهل نتقابل ثانية أم لا شعرت باني لا أرى أهلي أصحابي أحبابي )؟؟؟؟.
شعرت هل ياتي اليوم الذي أراكم فيه ثانية أم تروني محملا على الأعناق .
واسفاه إذا لم تروني أصلا محملا على الأعناق أدفن في مكان غريب .
عذرا أخي ولكن ............؟!!!!!!
كلماتك جميلة ومعبرة .
محمد
ما شاء الله مواضيعك كل موضوع احلى من الى قبلة
بجد هيوحشنا هذا الشهر الكريم ولكن بامكاننا ان نجعل السنة كلها رمضان بكثر التقرب الى الله وان شاء الله ربنا يخليك لرمضان الى جاي والى بعدة لمليون سنة
اسمحلى خاطب اخي نور وقولة صدق القائل "لا تعلم نفس ماذا تكسب غدالا تدري نفس باي ارض تموت " ربنا يجمعك بمحمد سواء بارض الوطن او مكان احلة بكتير من ارض الوطن وهو جنه الخلد في الفردوس الاعلى بإذن الله
وربنا يطول بعمركم يارب وتقضوها بالطاعات والخير
ربنا يوفقكم يارب
تحياتي
اشراقة
بدري بدري بدري
ترارارارم رم
والاياااام بتجري
ترارارارم رم
والله لسة بدري والله يا شهر الصيام
والله لسة بدري والله يا شهر الصياااااام
ناجووووحة
رمضان ده ضيف خفيف
وانت لسة بتضايفه بيقوم يمشي ومهما تمسك فيه وتتحايل عليه أبدااا...
اهم حاجة بس تكون في الحبة اللي قعدهم دول عرفت تضايفه كويس وتشبع منه لحد ما يجيلك تاني السنة الجاية على خير ان شاااء الله
وكل سنة وانت وانت طيب وكويس وبتاكل كحك وبتلبس الجلبية البيضا وانت رايح تصلي العيد
miro el niro kwaniro
و والله لسة بدري والله يا شهر الصيااااااام :)
بجد فنان
هى كده الايام الحلوه بتعدى بسرعه عجيبه
اتمنى تنورنى
كيارا
كل سنه وانتى طيبه بمناسبة العيدين
عيد الفطر وعيد الميلاد 29/9
تحياتى وان شاء الله يدوم التواصل شئ فعلا يسعدنى
تحياتى
australia
نــــــور
داكلام يا نووووووور داكلام يا راجل
بص يا نور ولا كل الناس اللى بتسافر مش بترجع ولا كل اللى بيسافر مش بيرجع وبيموت هناك ولا كل اللى بيسافر مش بيرجع وبيموت وبندفن هناك
فهمت حاجه ..؟؟؟؟
ازاى ان كنت انا مش فاهم
بس ابسطهالك
بص يا عم الحلو يا أبو كلام كان بيصبر ومش بيقصر فاكره الكلام اللى كان فى التشيك بعد الفطار وكنا فى الشبابيك كنا بنعمل مهرجانات
كنا صابرين رغم ان ظروفنا كانت اسؤء مما انت فيه الأن مهما كنت وحيدا فأنت اكيد لك اصدقاء وتستطيع ان تتحدث معهم
نور عايك تغير الكلام الوحش اللى انت كاتبه ده وتنزيل اعتزار رسمى فى جريده المسا عندك (( هى مش مسا برضه ولا انا غلطان ))
نور حبيبى ان شاء الله هترجع وتشترى العربيه وانت معدى من عليا وانا واقف بالموتوسيكل بتاع ابويا بصلحه ولا تعبرنى ولا هتقولى السلام حتى
وكمان يكون معاك فلوس كتير تجيبها لأهلك وتكون مع والديك واخواتك واهلك واصحابك واللى اتمنى انى اكون واحد منهم
عمال اكتب مش عارف اقولك ايه
انما كل اللى اقوله تحلى بالصبر
((وإستعينوا بالصبر والصلاه )) ولا ايه يا شيخ نووووووووووورر
حبيبى لكى منى كل التحيه والأشواق والقبولات ومش هخلى حاجه لحد فى العيد كل القبولات لك وحدك
منتظر تطمنى عليك
كل سنه وانت طيب يا غالى
ashraketamal
اختى العزيزه اشراقه
طبعا بإمكان اى حد مؤمن انه يجعل سنته كلها رمضان بس هاتى اى شهر تانى كده ممكن يدينا الحسنه بسبعين يدينا السنه بفرض الا من رحم ربى
واللهم اعد علينارمضانات عديده يارب العالمين
وماشاء الله عليكى فطينه اوى
انتى مفكره ان نور زعلان من انه مفتقدنى لالالالالالا
أصله مفتقد الأهل والأحباب انما انا لا اهل ولا زمالك حتى
ناس طيبين اوى اوى يا خال
كنت هنسى اقولك كل سنه وانتى طيبه والسنه الجايه تكون احسن ميت مره من السنه دى
بس مفيش احسن من كده اخدنا اول مرتب والحاله فل ومش هنكلم حد بقا خلاص هههههههههههههههههه
تحياتى اختى الغاليه
كراكيب
ميرو
حمدالله على السلامه والسنه الجايه يارب الجهاز بتاعك يكون فى خير حال من السنه دى
بس عايز اقولك حاجه ميرو
انتى مهما تأدى ما عليكى من واجب لن تؤديه على اكم وجه مع رمضان ومهما شبعت بتعبيرك انتى لن يشبعك ابدا رمضان فأكل العسل لا يشبع ولكنه يدوم واتمنى انه يدوم العسل يارب
كل سنه وانتى طيبه وشطوره وبتسمعى الكلام
:)
تحياتى
كان نفسى تفضل معانا والله يا رمضان
بنت مصريه
انا فنان ههههههه
مرسيه جدا جدا انجى يا مصريه يا اختى
وفعلا الأيام الحلوه بتعدى بسرعه ومفيش احلى من ايامه الغالى رمضان
حالا دلوقتى اروح وازورك ده شرف لى
أخي حبيبي :- لم أقصد أي شئ ولكن لا تعلم ماذا حدث أثناء قرائة هذا الموضوع :-
هقولك بس لم نكون لوحدنا .
أقدم إعتذاري في كل الجرايد الحكومية والمعارضة والمؤيدة و........!
أخي لن أقدر أن أمر عليك بسيارة دون أن أنزل منها والكي عليك السلام وأسلم يدا بيد .
أنا صبور والحمد لله ولكن كما قالت الاخت (إشراقة ).
( لا تعلم نفس ماذا تكسب غدالا تدري نفس باي ارض تموت ")
كل سنة وانت طيب يا ابن مصر
وربنا يعيده عليك وعلينا بكل خير
رسالة جميلة بتعبر عن كل اللي بداخلنا في وداع رمضان
كل سنة انت طيب وبخير
اممممممممممممممممم
ما شاء الله بوست رائع
شكرا لك ابن مصر
و كل عام و انتم بخير
تقبل الله ناو منكم
عيد سعيد
الله حلوه اوي بجد وصادقه
كل سنه وانت طيب وبخير
تقبل الله منا ومنكم،
وكل عام وانت بخير.
ابن مصر
كل سنه وانت طيب
بوست حلو اوى اوى
فعلا هل سنتقابل ثانيا أم هذا الرحيل بلا عوده
اللهم بلغنا رمضان القادم
........................
سندريلا
ناااااااااااااااجح
كل سنة وانت طيب
بجد رمضااااااااان هيوحشنى جداااااااااااا
يااااااارب يكون عتق باذن الله
ربنا يكرمك خدت بالك من مدونتى لغاية ما رجعت
ربنا ميحمرناش من سيادتك
ابن مصر
السلام عليكم
اولا :ازيك مش باين الايام هاي ليش رمضان سبنا وراح ربنا يرجعه واحنا بخير يارب
والعيد اهو خلص
وحضرتك غاطس فين
ثانيا بقا شو خدت اول مرتب انت هتقر ولا شو ولا يمكن بتقر اللهم بلا حسد
دانا تعبت طول الشهر لحد ما اخت المرتب
ومش حد خد مني حاجة منه كلة لي
ادعوك لمشاهدة الموضوع الجديد
تحياتي
اشراقة
ما شاء الله بحييك يا غالى على الكلمات الرائعة والوصف الفظيع لاجمل شهر فى الدنيا واسفة للتاخير وجميل جدا مرة اخرى
سنووايت
كل سنه وانتى بكل خير دكتوره
وعلى فكره انا الكلام ده مش مطلع ربع اللى انا حاسس بيه تجاه هذا الشهر الكريم
نورتى وشرفتى سنو
خديجة محسن "لؤلؤة الاسلام"
يا أحلى لؤلؤه موجوده بين المدونين
نورتى المدونه كلها يا عثل هههههههه
بجد والله كلماتك بسيطه وجميله
شكرا يا جميل
عيد سعيد عليكى يا خديجه
Appy
بجد متشكر جدا
نورتى ويارب دايما وفعلا انا كنت بكتبها وانا ببكى الإحساس فعلا صادق
تحياتى يارب تنورينا دائما
رؤية
تقبل الله منا ومنك صالح الأعمال
وكل سنه وانتى طيبه رؤيه
sendrlla
سيندريلا بجد وحشنا كلامك الحلو ده فينه من زمان
كل سنه وانتى بخير
وربنا يسمع منك ويبلغنا رمضان القادم
نونو
نورتى اخيرا
اخبار المعتقل ايه طبعا بقا زى العسل بعد الأخبار الحلوه اللى عرفتها من مدونتك
كل سنه وانتى بكل خير
والف مليون مبروك يا عسوله
ashraketamal
وعليكم السلام
كل سنه وانتى احلى واجمل اشراقه ويارب كده دائما مشرقه
كل سنه وانتى طيبه واهو انا موجود والظروف بس اللى بتحكم انى اتأخر
شكرا يا جميل على السؤال
PrInCeSS BeRy
كل سنه وانتى بكل خير يا احلى برنسيس فى الدنيا
ولا داعى للإعتار فالحياه دائما تأخذنا بعيد عن اصحابنا ولكى كل العذر المهم ان لا تنسينا
تحياتى يابيرى
وان جئت ولم تجدنى فاعذرنى...
ليه بس كده بعد الشر عليك
ربنا يبارك فى عمرك وانا عمرى ما قريت حد
بيكلم رمضان بالطريقه الجميله دى...
كل سنه وانتا بالف خير
وعيد سعيد عليك
وعلى اسرتك وعلى ياسمينا
وعلى كل من تحب...
ويا رب يجيى عليك رمضان ورمضان ورمضان وبعديه عيد وعيد وغيد كمان وكمان ان شاء الله وانتا
فى افضل حال وصحه وستر
وقول امين...
mahasen saber
نورتى والله يا ست الكل
وياستى الأعمار بيدى الله انا اتمنى انى اكون موجود علشان اعيش فيه تانى وتالت ورابع
وربنا يخليكى وكلامك الحلو ده
تحياتى محاسن والسنه الجايه يارب تكوت اتحلت كل مشاكلك يـــــــــــــارب
قولى أميــــــن
وانا كمان بقول امين على دعوتك الحلوه اهو
أميـــــــــــن
يختيييييييييييي
انا الحاجات دي بتوجعني اوي والله
رمضان.... بجد غيابه عننا قوي
بس
بس
نتقابل في بوست تاني احسن انا مش أد المشاعر القوية دي النهارده
كل سنة وانت طيب وناجح
مها ميهوووو
السلام عليكم ورحمة الله وبركاته
اجمل شهر في السنه واسرع شهر في السنه
ربنا يعيد علينا رمضان رمضانات عديدة
وكل يوم وانت بخير
تحياتي
الي اللقاء
السلام عليكم كل عام وانت بخير بمناسبة رمضان والعيدين وراس السنة انا عمرو من ميت دمسيس واحب اهدى سلامى لكل اهلى اصحابى واقاربى وابن مصر ونور
هى فعلن الغربة صعبة بس وسلامى لكل الاخوة والاخوات واهدى لهم تحياتى
إرسال تعليق