كتير بيسألونى انتى مين (هى دى مصرمنتظره ايه تانى ممكن يحصل فيها )


مين السبب فى القطع




طبعا كلنا بنتعامل مع الإنترنت وطبعا كلنا حسينا بالخلل اللى حصل يوم الجمعه واللى مازال اعراضه موجوده معانا الى وقتنا هذا
طيب تعالوا نسأل نفسنا ايه السبب فى القطع
كلنا فاكرين القطع اللى حصل فى بداية السنه فى يناير الماضى وده كان فى المياه الإقليميه لمصر وكان على بعد 8.2 كيلومتر من الإسكندريه
وتأثر بيه الإنترنت فى مصر بنسبة 70% ومفيش اى سبب ظهر الى الأن
وفى فبراير من نفس العام كان بالقرب من الإمارات وبرضه مش عارفين السبب
خريطه توضيحيه لمسارات الكابلات البحريه فى العالم
والمره دى جنوب ايطاليا ودول مش كابل واحد المره دى لا دى بالجمله
ومع ذلك لم يتحدد الى الأن السبب
ودى عايزه سؤال
الكابلات المره دى قطعت النت عن مناطق محدد وهى جنوب شرق اسيا وبعض من الدول الشرق اوسطيه مصر وبعض من الدول العربيه
هى اكيد سمكة قرش هى اللى عارفه طريق الكابلات وبتروح تعضعض فيهم

او سفينه فضلت ماشيه مئات من الكيلو مترات وكل مكان فيه الكابل كانت بترمى الهلب بتاعها علشان يتعلق فيها الكابل ويتقطع
المهم انتوا كده عرفتوا الكابل اتقطع ليه اما سمكه او هلب متعلق فى سفينه ماشيه او حاجه تانيه انتوا عارفينها طبعا
يعنى تكون سمكه اكبر ليها مصلحه ان النت يقطع فقط عن الشرق الأوسط وبعض الدول الجنوب شرق اسياويه اللى هى العربيه يعنى
المهم اننا نعرف ازاى ممكن نصلح الكابل ده بس قبل تصليحه نعرف تركيبته
تركيبة الكابل البحرى كالأتى 1- غلاف من البولي إيثيلين 2- غلاف بلاستيكي 3- أسلاك حديدية مشدودة 4- حاجز مضاد للماء من الألمنيوم 5- غلاف من البولي كاربون 6- ماسورة من النحاس او الألمنيوم 7- جل بترولي 8- الألياف البصرية
والتصليح كالأتى
عادة يمكن تحديد موقع العطب أو القطع بواسطة المهندسين على اليابسة، اذا ان المناطق الاكثر تأثرا بانقطاع الخدمة تساعد في تحديد اي جزء من الكابل اصابه العطل.
ولتحديد الموقع بشكل اكثر دقة يقوم مهندسو الكابلات بارسال نبضات ضوئية عبر الياف الكابل باستخدام جهاز يسمى مقياس الانعكاس الزمني الضوئي.
وعندما تصل النبضات الى الجزء المعطوب او المقطوع من الكابل ترتد الى الجهاز، وبحساب الوقت الذي استغرقته يمكن للمهندسين تحديد مكان العطب في مسافة عشرات الامتار فقط.
ثم يتم استخدام سفينة كابلات خاصة
مزودة بآليات تعمل بالتحكم عن بعد.
واذا تمكنت تلك الاليات من تحديد مكان الكابل يمكنها قطع الجزء المعطوب وسحب الكابل الى السفينة.
او يتم استخدام رافعة هيدروليكية ترفع الكابل كله الى السفينة.
و: "الخيار الاول افضل، لانه يمكنك رفع الكابل عند المنطقة المعطوبة لكن الرافعة ليست بهذه الدقة".
بعد ذلك يمكن اصلاح الكابل على سطح السفينة حيث يقوم الفنيون باستبدال الالياف المعطوبة في الكابل
وبكده اكون خلصت ويارب أكون قدرت احدد ليكوا مين السبب فى العطل وهى السمكه الكبيره

اللى انتوا كلكوا عارفينها ودى ليها مصلحه ان الدول العربيه ينقطع عنها النت
والله اعلم ليها يمكن يكون السبب صياد إصتاد حد من عيلة السمكه دى
واكون عرفتكوا الطريقه الفنيه فى تحديد وتصليح الكابلات
ويلا بقا ادعوا على السمكه وربنا يهد القوى ويصحصح النايم او اللى عامل نفسه نايم

هناك 12 تعليقًا:

Mafrousa يقول...

نيتكم وحشة؟؟
يعنى مين يعنى يهمه اننا نبطل نت؟؟
اكيد مش اللى انضرب بالجزمة و بدأ يتفرس من الفرح اللى احنا عاملينه
و اكيد مش اي حد
بطلوا سوء الظن ده حرااام عليكم
هههههههههههههههه
انا بقا عرفت
ده واحد كان بيتعلم الغطس
قوم حس انه حيغرق
قوم مسك فى الكابل
قزم الكبل اتقطع فى ايده
بس كده
ياسااااتر عليكم
شريرين
هههههههههههههه

غير معرف يقول...

خبر عاجل ..
جانا البيان التالي .
أصدر مسول تخين المستوى أن سبب قطع كابلات النت @ الخاصة بمنطقة الشرق الأوسط هزت أرضية قادمة من إيطاليا .
يعني مش ظنك يا أخ محمد .
بالسمكة الكبيرة أنا هقول لك أول حرف بس ( إسرائيل ) طبعا لو قلت لك الحرف التاني هتعرف السمكة .
خلاص بقى مش هنطول علشان دي أسرار عسكرية ..../.> - <./

رؤية يقول...

اممممممم
بجد معلومات جديدة عليا

وعموما...
حرام عليك سيب السمك ياكل هى جات على الكابل يعنى!!!!!!!!!!!!!


تحياتى

غير معرف يقول...

بيقولوا جزمة منتظر لما ماجتش ف راس بوش وقعت ع الكابل قطعته

هذا والله اعلم

تعرف مدونة سوووو يا ناجح؟؟
كاتب بوست لذيذ اوي عن الموضوع ده

http://soooo-30.blogspot.com/

كل سنة وانت طيب عام هجري سعيد ان شاء الله

مها ميهوووو

ندا منير يقول...

ههههههههههه

الاول كنت مندمجة عشان كنت عايزة اعرف فعلا سبب العطل دا انا سمعت ان النت فصل تانى عشان الكابلات وكدة بس مكنتش بدخل
فقلت اقرا بقى

ودلوقتى كل حاجة بتحصل بيبقى وراها مصلحة كبيرة قوى
وطبعا مش مصلحتنا

بنت مصريه يقول...

الهى يهد حيل السمكه الكبيره
الا قوللى هى مين السمكه الكبيره دى
هو البوست دا للاذكياء فقط ولا ايه
اه عشان كده مفهمتش مين السمكه الكبيره هههههههههههه

هتودينا ف داهيه انت على فكره بس ايه يا عم المعلومات دى كلها جايبها منين
شكلك بروفيشينال واحنا مش عارفين

احييك عالبوست الجميل دومت بكل خير

kmt يقول...

السلام عليكم ورحمة الله وبركاته

شكلك كده من انصار نظرية المؤامرة

بس سيبك المؤامرة دي احنا اللي اخترعناها علشان نعلق عليها خبيتنا

هو سؤال
بجد مش استنكاري ولا سخريه بس بجد ليه النت من عندهم هو احنا مش ممكن نعتمد علي نفسنا في الشبكة دي ولا ...... انا مش فاهمه حاجه

وبعدين اللي مستغربه ليه اكتر هو ليه متوصل بكابلات هو مش ممكن يكون بث بالستالاليت.

تحياتي
الي اللقاء

عاشــــــ النقاب ـقــــة"نونو" يقول...

السلام عليكم
كل عام وانتم الى الرحمن اقرب
تحليلك منطقي جدا وفهمت منه كتير
ربنايخليك للي عاوزين يفهموا زيي
ان السمكة بتاعت القرش الكبيرة دي هي اللي عملت كدة الهي يهدها البعيدة
تحياتي

إشراقة أمل يقول...

ابن مصر
كيفك
اعتذر عن تأخر الرد ولكن كان السبب في التأخر زي ما انت عارف عدم وجودي بالبيت
موضوع جميلة وربنا يهد السمكة الكبيرة الى قطعت اسلاك النت
بس قدر اخف من قدر
انتهت منم التقطيع عندكم وجت تقتل عندنا
معلش مش اقدر اطول لاني بحكى من تحت القصف والذباب الى عم يطير في جونا ولوثته
تحياتي
اشراقة

كراكيب يقول...

جوووووحة
ازيك....
مش داخله اتكلم عن النت
داخله اقول
صلي وإدعي على قد ما تقدر
وياسلام بقى لو صمت اتنين وخميس ودعيت وانت بتفطر لغزة
تبقى فل جدا

Dr.m يقول...

السلام عليكم

حسب ما سمعت أحد التصريحات ((مش وقته نتكلم عن مين قطع النت ومين السبب ..المهم نصلحه الأول))

يعني لما تنضرب على قفاك إوعى تتدور وتشوف مين عمل كده ..حط عليه مرهم الأول عشان ما يورمش

وبالمره يكون اللي ضربك مستعد للقفه التاني

ههههه
تحياتي ليك ولتوضيحك الجميل

لا تنسى الدعاء لغزه

إبن مصر يقول...

السلام عليكم
اشكر كل من علق هذا الموضوع ولكنى اعتزر عن عدم ردى
فوالله ان قلب ليئن من فرط حزنه على ما يحدث فى غزه ولم استطع الرد
شكرا لكم جميعا كل احد بإسمه


واحده مفروسة

______________


استراليا نور

____________

رؤيه

____________

احسن تستاهل

____________

ندا منير

______________
بنت مصريه

___________

كميت مصرر القديمه

________________
عاشقة النقاب

___________________

إشراقة امل الغزاويه
الله معاكى

____________________
كراكيب ميرو

____________
دكتور محمود

__________

شكرا لكل من نورنى هنا شكرا لكم جميعا