كتير بيسألونى انتى مين (هى دى مصرمنتظره ايه تانى ممكن يحصل فيها )


الصاحب ساحب

من العنوان فهمتم طبعا ماذا اريد ان اتحدث


بين صخب الحياة وتكالب همومها، يبحث كل منا في صديقه على واحة يستأنس بها، ويستظل بأشجارها، ويرتوي من عذوبة آبارها لكي يواصل حياته؛ إذ تجمع الدنيا بين النعيم والشقاء، ويحتاج الإنسان إلى من يشاركه همه، ويقاسمه فرحه، ويستشيره في أمره، وهذا ما ينشده في رفيق الدرب.
فمن يكون هذا الصديق
ماذا اختار ان يكون رفيقا لى فى الدنيا ويكون فى الأخره من الأعداء
كما قال سبحانه جل فى علاه ( الأخلاء يومئذ بعضهم لبعض عدو إلا المتقين )
ام يكون تقواه تجعلنى انا وهو فى الجنه سويا ونأخذ بيد بعض الى طريقها




طيب نخفف الكلام شويه ونتكلم بلغه اسهل
يعنى لما احب اصاحب اصاحب ميـــــــين
اصاحب اللى يجيب لى اخبار الدنيا لغاية عندى وده يبقى اسمه نمام وزى ما هيقول لى على أسرار الغير يبقى بكره هيقول لغيرى على اسرارى وفى نفس الوقت هكون زيه
ولا اصاحب اللى عايز منه مصلحه ولما تنتهى مبص فى وشه تانى الا لما اعوزه يبقى كده مش عامله صاحب ووقت شددتى عمره ما يقف بجانبى
ولا ولا ولا ولا
والأمثله كتيييييييييييييير
طيب ما تيجوا نشوف الصاحب الصح يطلع ايه




نقول الأول التدين
يعنى لو الصاحب ده متدين يبقى يوم ما هتاخد معاه ميعاد على سبيل المثال يبقى ممكن تقوله نتقابل بعد صلاةكذافى المسجد الفلانى
اما لو العكس يبقى هتكون المواعيد اساسا ملخبطه وهتروح معاه لأماكن تانيه خالص مهو سااااااااااااااحب مش صاحب




والتانى الوفاء والإخلاص
يبقى كمان دى حاجه مهمه لأن التدبن مش كل حاجه وممكن نلاقى شخص يدعى التدين وهو العكس والوفاء والإخلاص وحسن الخلق لا يفتعلوا لأنهم طبيعه فى صاحبهم


وأيضا لابد ان اختار شخصيه انت تحترمها
نعم شخصيه انت تحترمها لأن بطبيعة الحال سوف يتم رسم ملامح شخصيتك عند الناس عن طريق صديقك
وكما يقولون تريد ان تعرف فلان فإنظر من يصاحب فسيماته هى نفس سيمات صاحبه وذلك لأنهم يكتسبون من بعض الخبرات والملامح فى الشخصيه




وايضا فهو رئه ثالثه كل منهم يتنفس منها عن طريق الأخر
ولا اكون مبالغا فى التعبير نعم هو رئه ثالثه وهقولكم ازاى
فاكرين القصه اللى فى القرآن فى الأيه اللى بتقول {حَتَّى إِذَا ضَاقَتْ عَلَيْهِمُ الأَرْضُ بِمَا رَحُبَتْ وَضَاقَتْ عَلَيْهِمْ أَنْفُسُهُمْ} شوفتوا ربنا عاقبهم انهم يكونوا التلاته لوحدهم علشان يتخنقوا من الوحده


وكمان الصحبه الصالحه

وعلمنا النبي صلى الله عليه وسلم ذلك بقوله: "مثل الجليس الصالح والجليس السوء كحامل المسك ونافخ الكير؛ فحامل المسك إما أن يحذيك وإما أن تبتاع منه وإما أن تجد منه ريحا طيبة، ونافخ الكير إما أن يحرق ثيابك، وإما أن تجد منه ريحا خبيثة" [متفق عليه].

ايــــــه رأيكوا
طيب نختار مين يكون صاحب لينا ومش عايز اطول عليكم



بس هقولكم جملتين اتنين واختصر



بصوا ياجماعه هما طريقين ولازم نختار طريق ومش احنا اللى هنحدد اللى هيحدد الونيس اللى معانا بس لازم نختار الونيس لأن اخر الطريق الأول ده هيكون جنه ان شاءالله او نار وونعوز بالله ان نكون سائرين فى هذا الطريق يعنى مش بنختار الطريق انما بنختار الونيس اللى هو الدليل للطريق وكل واحد مننا يتمنى يلاقى الصديق او الدليل اللى يدله للخير فى الدنيا

والجنه فى الأخره بأمر الله ومشيئته

هناك 53 تعليقًا:

غير معرف يقول...

الله عليك يا ابن مصر!!! تزداد براعة يوما بعد يوم.
يا له من كلام صادق وحكيم مع ادلة من اول واخر الكتب وهو القران ومن بعده كلام المصطفى لم اجد ما اقوله لانك لم تترك ثغره واحده.
وبالفعل الصاحب هو الساحب اما لطريق اخره (النور) واما طريق اخره (الظلام) احيانا كثيره يكون الشخص فى محنه لم يجداحدا بجواره الا الصديق ويقول المولى عز وجل :
(ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ)
(وَمَثَلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِنْ فَوْقِ الْأَرْضِ مَا لَهَا مِنْ قَرَارٍ)
تذكرت هاتين الايتين وودت ان اقولهم -
لانهم كمثل الصديق الطيب يصل هو ومن معه الى بر الامان.
اما الصديق السيئ يصل هو ومن معه الى جهنم والعياذ بالله.
اللهم انصر المسلمين فى شتى بقاع الارض
وأعد الينا قبلتنا الآولى_
امين امين يا رب العالمين ..

•√أريـ السمر ـج√• يقول...

معاك كل الحق .. و فعلا الصاحب ساحب .. مش معقول حتلاقي صاحبك بيبعد عن نميمة و انت حتفضل تجيب سيرة الناس حتضطر تتغير يبقى اعانك على خير و صلح فيك شىء و لو أنت ما كنتش ملتفت له

لي صديقة كانت بتهاجم فكرة الحجاب لغاية ما اكتر من واحدة في صديقتها تحجبوا و فجاة لقينها اتحجبت .. التأثير بين الأصدقاءموجود و بقوة و حتى لو أنكرنا

دمت بكل خير

غير معرف يقول...

بص انت بجد عامل موضوع كويس
ويا ريت تستمر فى المواضيع الدينيه وتبعد عن السياسه
واحد من طنطا

غير معرف يقول...

صدقت يجب عليناانتقاء الصحبة وبالفعل إن الصاحب ساحب.
وإذا كان الصاحب طيبا سيسحبك إلى الحياة الطيبة وإذا كان طالحا فسوف يؤثر فيك وإذا لم يؤثر فيك أخرك وصرفك عن فعل الطاعة إذا كنت متحمسا لها.
بارك الله فيك موضوع جميل ولكن للاسف هاي الايام الصديق الحق عملة نادرة نجدها بصعوبه

وفقك الله وجزاك الله خيرا

إبن مصر يقول...

AUSTRALIA
منور دايما ودايما كلامك حلو وجميل وبحس فيه بالرقى فى التعامل
وربنا يستجاب لدعائك ودعانا وينصر المسلمين فى كل مكان
ويتحرر المسجد الأقصى من اليهود
آمــــــــــين

إبن مصر يقول...

•√أريـ السمر ـج√•
طبعا التأثير موجود بس هقولك بس على حاجه صغير انتى لما تكونى مع صديقه مش كويس لازم هى هتتغلب عليكى ولسبب النفس الأماره فى صالحها
اما لما تكونوا مجموعه صالحه زى ما حصل معاكى واتحجبوا البنات طبعا دورت مش ممكن تكون هى صح والكل غلط يعنى الكتره فى الموضوع ده مطلوبه للأصلح لإصلاح الغير مصلح
تحياتى ودايما يارب منورانى

إبن مصر يقول...

غير معرف
ايه يا عم يا بتاع طنطا
هو انا كده اتكلمت فى الدين ماشى يا عم ولو انى مش كنت قاصد بيه الدين انما علشان خاطرك نممشيها زى ما تحب وخلى بالك مش هبعد عن السياسه
ههههههههه
منور يا حبيبى

إبن مصر يقول...

غير معرف
الصديق الحق موجود ومعاك انه عمله نادره ولكن يبقى اكيد موجود ليه بقا مش ندور عليه
انا عارف انه صعب بس طريق الجنه لابد له من مصاعب
نورت ودايما يارب منور
وجزاك الله خير على اطرائك ومرورك

سنووايت يقول...

صدقت يا ابن مصر
الصاحب ساحب
ذكرتني بموضوع اخدناه في المدرسة ايام ثانوي عن اختيار الصديق

الاصدقاء المروض يكونوا نعمه لكن احيانا بيتحولوا لنقمة اذا كان الاختيار خاطيء

إبن مصر يقول...

سنووايت
وربنا يجعنا نعمه لأصحابنا نورتى يادكتوره
ودايما مشرفانى فى المدونه

Aиgel يقول...

صباح الخير
ابن بلدي الحبيبة

أولاً أعتذر عن تأخري أشد الإعتذار

ثانياً .. حقاً أنت رائع في اختيارك لمواضيعك
كمان أنا حابة أشكرك جدا على اختيارك للاسم الصاحب ساحب

كمان أنت فكرتني بأبيات كنت قرأتها عن الصديق
عجباً ! كيف اتخذناكَ صديقاً ؟
وحَسبناك أخاً بَراً شقيقا ؟
وأخذناك إلى أضلاعنا
وسَقيناك مِن الحُبِّ رحِيقا
واقتسمنا كِسْرةَ الخُبز iiمعاً
وكتبنا بالدِّما عهداً وثيقا
وزرعناكَ على أجفانِنا
ونشرنا فوقكَ الهُدْبَ الورِيقا
وزَعَمْنَاك - ولم تَبْرقْ - iiسناً
وكسوناك - ولم تلمع - برِيقا
سَيفنا كنت تأملْ iiسيفنا
كيف اهدى قلبنا الجُرح العميقا
دِرعنا كنت! وهذا دِرعنا
حَربة في ظهرنا شبت حريقا
جيشنا كنتَ ! أجبْ يا جيشنا ii!
كيفَ ضَيَّعْتَ إلى القدس الطريقا ؟!
ذلك العملاق ما iiأبشعه
في الدُّجى .. يغتال عُصفوراً رقيقا
مُسِخَ الفارسُ لصاً قاتلاً
مُسِخَ الفارسُ كَذَّاباً صَفِيقا
رحمةُ الله عليهِ !.. إنهُ
مات !.. هلْ عاشَ الذي خانَ الرَّفيقا ؟!

دمت بود وبخير دائما يا ابن بلدي
ودام شعب بلدي ودامت بلدنا الحبيب
Angel Love

أية الشقية الشعنونة يقول...

الارض تجنى ثمارها كل موسم
اما ثمار الصداقة تجنى كل لحظة
عندك حق بجد يا ابن مصر
لا تعليق على كمال البوست
تحياتى

yoyo يقول...

تسلم والله يا ابن بلدى يا غالى بجد بوست هايل وكلام اجمل صحيح الصداقة فى الزمن دا عملة نادرة جدا بس نقدر نلاقيها ونختار صح ونحافظ عليها
تقبل احترامى وتحياتى
آية (يويو)

غير معرف يقول...

الحمد لله مش انا لوحدى اللى بشكر فى روعة مواضيعك وكلامك لآ لقيت ناس تانيه تساعدنى وتقول الحقيقه بس فيه حاجه احب انبهاك ليها
(ان النفس لامارة بالسوء)
كل الناس اللى قالت الحقيقه
1- غير معرف من طنطا
2-ايه الشعنونه بس مش عارف ازاى ايه وشعنونه ليه امممممممم لا تعليق.
3-يويو
4-انشودة انجل الرائعه لعله يصبح شاعرا تمنياتى له بالتوفيق
5-غير معرف
بس بنت غزه مش متابعا بقالها مده وبما اننا اصدقاء لابد وان نطمئن على كل زوار المدونه المتابعين .
تحياتى لكم جميعا وانت يابن مصر

كراكيب يقول...

اولا : ازيك كدة عامل ايه؟؟
ثانيا بقى: انا هقولك على حاجة "عمو عمرو خالد قالها" ومن ساعتها وهي في وداني.. قال ايه بقى يا سيدي؟؟
قال كل واحد يبص على صاحبه ويفكر كدة "انت متأكد بجد ان هو ده الصاحب الصح اللي انت بجد بجد بتحلم بيه"
اصل كل واحد في الدنيا دي نفسه ف صاحب بجد.. بس مش دايما بيلاقيه او هو اصلا مابيدورش فمش بيختار فبالتالي بيرضى باللي معاه سواء عدل او مش تمام..
المهم بقى اني بصيت.. ولقيت ان هي دي اللي انا عايزاها.. وغنيتلها كمان هو ده اللي حلمت بيه هو ده اللي انا نفسي فيه :) :)

فأنا أدعو دعوة للـبـص :)
كله يبص ويفكر ويشوف ويقرر

**ممممممممم.. موضوعك كتير مهم وانت دماغك زي الفل على فكرة يا....
يا ابن مصر..
مش فاهمة انا انت مش بتوقع باسمك ليه تحت ردودك حتى علشان نعرف انت اسمك ايه
بس ماشي.. ابن مصر ابن مصر وانا مالي وانا مالي :)

miro

إبن مصر يقول...

اعتزار
اكيد بعتذر لكل من ذار المدونه و ترك تعليق ولم ارد عليه حتى الأن واعتقد الكل عرف ظروف شغلى
وتحياتى للجميع

إبن مصر يقول...

Angel
صباح الفل يا انجل
اولا انتى لا تعتذرى وذلك لأنى دائم التأخر على الناس كلها وإنتى تنورى فى اى وقت
وثانيا والله انتى اللى رائعه فى مجاملتك الرقيقه
اما لأبيات فلا استطيع انا اقول شئ ولا ان افعل امامها شئ سوى ان اسفق لكى عليها
دمتى بكل خير وود ودائما منوره عندى فى المدونه المتواضعه

إبن مصر يقول...

أية الشقية الشعنونة
ايه والله منوره بس البوست مش كمل الا بوجودك وانك تقريه ده اكتر شئ اسعدنى وامتنى دائم زيارتك
بس حابب اقولك على حاجه مهمه لا شئ الكمال صفه لانوصف بهااو موضوعاتنا
انما الكمال لمحمد صلى الله عليه وسلم
تحياتى ودائما منوره يا جميله

إبن مصر يقول...

yoyo
تسلمى والله انتى على مجاملتك الرقيقه
ودائما منوره المدونه
سواء ايهاو يويو وجهين لعمله واحده
اتمنى انك تكونى استفدتى من المدونه ودائما المدونه مستفاده من كلامك الجميل
تحياتى وفائق احترامى

إبن مصر يقول...

AUSTRALIA
حبيبى حبيبى حبيبى
طبعا مش عارف اشكرك ازاى انك رديت على الناس بالنيابه عنى
وبعدين انت من غيرك كان المقال ده يبقى ناقص كتيــــــر اوى اوى
اما عن بنت غزه فهى كويسه وبخير وكمان عملت كومنت بس المره دى هى مش قالت اانها بنت غزه كانت غير معرفه
تقبل منى حبى ياحبيبى
ومن هنا لأستراليا بعدد الخطوات لكل منى قبولات
تخياتى يا حبيب قلبى

إبن مصر يقول...

كراكيب
اولا انا بخير والحمد لله ويلا نشوف ثانيا
وكمان اتنين مفيش فيها مشكله وانا معاكى وبدعوا الناس كلها تبص وتختار اصحابهم بعنايه
وهنخلى الناس كلها بصاصيين ههههههههه
نيجى بقا لأهم حاجه انا يا ميرو اسمى محمد ناجح
وشهرتى ناجح
ولو لاحظتى الصوره انا موقع عليها فى الخلفيه nageh وده مش سر ولا حاجه وكمان مهندس شبكات
ومرتبى ؟؟؟؟؟ولا بلاش علشان الحسد
اى خدمه يا ميرو مفيش اى استماره املاها انا عيونى ليكى
واهو وادى كمان الأمضاء
nageh
تحياتى ميرو ودائما متألقه ومنوره

عاشقة القمر يقول...

ابن مصر ..
بجد البوست حلو اوي ومهم جدا جدا جدا لان الصداقه دي شيء مهم جدااااااا في حياتنا .. بالنسبة لي انا شخصيا فهي من اهم الحاجات في حياتي ماعتقدش ان الواحد من غير صديق وفي ومخلص وصديق بجد ممكن يبقى مرتاح او كويس .. لو مش عشان في ظروفك الصعبه تلاقي اللي واقف في ضهرك بيسندك يبقى عشان في غلطاتك تلاقي مرايتك اللي تقولك انت غلط ولازم تصلح غلطك ده .. بس للأسف مش دايما بتعرف تلاقي الصاحب ده في الايام دي او يعني مابقاش سهل اوي انك تلاقي الصاحب الكويس اوي ده وتفضلوا مع بعض للآخر .. بس بالنسبة لي انا الحمدلله ان من نعم ربنا عليا اني عندي صديقتي الصدوقة ربنا يخليهالي ومايحرمنيش منها ابدااااااا ابدا .. ويارب كل الناس تقدر تلاقي الصاحب الصالح دايما اللي يكملوا مع بعض مشوارهم اللي ينتهي بإذن الله في الجنة ..
رغيت انا كتير بس عايزة اشكرك على البوست المهم ده والحلو اوي واعتذر عن التأخير اللي اتأخرته المره دي ..

غير معرف يقول...

موضوع فوق الرائع بشوية يا ابن مصر
بجد الاصدقاء فى الزمن دا الواحد مش عارف يأمنه على سر من كتر الخيانة اللى بتكون بين الأصدقاء بس ارجع واقول مش كل الاصدقاء . وحسبى الله ونعم الوكيل فى الصاحب اللى يخون صاحبة وانتا فاهم طبعا

شكرا ليك على الموضوع الرائع دا . والى الامام دائما يا معلم وربنا يوفقك

نونو يقول...

بجد مواضيعك مميزة ومن البوستات اللى بحب ادخلها بجد
الله علليك وربنا يرزقك ويرزقنا الصحبة الصالحة والحياة الصالحة
ويارب تعز الاسلام
اسفة جدا على التاخييير

إبن مصر يقول...

عاشقة القمر
والله عندك حق فى كل كلامك والحمد لله ان ربنا بعتلك الصديقه دى وانا عارفها طبعا وهىفعلا تستاهل تكون على الوصف ده وانتى كمان تستاهلى تكونى على نفس الوصف يعنى بصراحه انتوا الإتنين ليقين على بعض وربنا يخليكوا لبعض
وكمان للعلم انتى تدخلى المدونه ترغى زى ما انتى عايزه وفى اى وقت ومفيش تأخير ولا حاجه انا اللى دايما بتأخر على الناس كلها وارجوا معذرة الناس لى
تحياتى ودايما منوره المدونه المتواضعه

إبن مصر يقول...

Zizoo
طبعا الكلام لازم يعجبك لأنك وبحق واحد من اصحابى اللى بعزهم جدا جدا وانت عارف مين كمان معانا بس مش على قدكم بس فى كتير وده من فضل الله
دايما منور يا صاحبى يا حبيبى
nageh

إبن مصر يقول...

نونو
ربنا يكرمك نونو وبجد بجد انتى بتنورى البوست وكمان البوست بيحب يشوفك دايما
وربنا يرزقنا جميعا الصحبه الطيبه

nageh

نونو يقول...

وبما ان البوست بيحب ابقى زائرة دائمة
انا اديت لصاحب البوست تااااااااااااااااااج
كبييير على اد صاحب البوست
دومت مبدعاااا
نونو

dodda يقول...

بحييك على اختيارك للموضوع ...
وبحييك كمان على طريقة طرحه..
وربنا يرزقنا الصحبه الحسنه
لانها بالشكل اللى وصفته توصل لظل عرش الرحمن..يوم لا ظل الا ظله
اللهم اجعلنا منهم
ربنا يكرمك

سامحنى انا بس مشغوله اوى المام يوم دول

dodda يقول...

لو تسمحلى...
تعليق الغير معرف اللى من طنطا استفزنى ..
من حقك تقرا الموضوع اللى يعجبك وتعلق عليه
واللى ميعجبكش لا..
اما تقول لحد اكتب فى ايه ومتكتبش فى ايه...لن تجد من يعطيك هذا الحق
كل واحد من حقه يقول الشىء ده عاجبنى او مش عاجبنى
لكن محدش عنده الحق يقول ده حلو او مش حلو لان دى اذواق..
عفوا للاطاله

رؤية يقول...

هى مقالة منطقية ومنظمة،
والصاحب ساحب بس.....
لا تنسى ان الطيور على اشكالها تقع،
اظن لو حد كويس وتعرف على حد من النقيض اظن التنافر بيبقى واضح،
عموما اشكرك كثيرا
ومقالة رائعة.

إبن مصر يقول...

نونو الجميله
انتى عملتى ايه بس
اوك انا بشكرك طبعا على التاج ومقدرش ارفضلك طلب
وانا هجهزه النهارده وانشره ان شاء الله
بالنسبه للإبداع فأنتى اكبر مبدعه بزوقك وحسن منطقك وكلامك الجميل
والله انتى زنقتينى فى التاج بس حاااااااااضر انا تحت امرك
تحياتى يا جميله
nageh

إبن مصر يقول...

dodda
نورتى وشرفتى طبعا وربنا يرزقنا الصحبه الطيبه اللى توصلنا
الى ظل عرش الرحمن يوم القيامه كلنا
وبالنسبه للأخ بتاع طنطا فهو معجب بالفعل بالموضوعات كلها بس هو بيحب الهزار يعنى مش فرض رأى زى اما انتى فاهمه
وعلى فكره هو صديق شخصى لى ومخلص جدا جدا ومن الناس اللى ينطبق عليهم المقال
ومن حقك انك تفهميه غلط لأنى انا نفسى ساعات كتير بفهمه غلط هههههههه
نورتى يا جميله وان كان على التاخبر المهم انك تفتكرينا فى الأخر ده شرف لينا
تحياتى
nageh

إبن مصر يقول...

رؤية
كلامك صحيح وعندك حق فيه
بس بيحصل انه يكون حلو وله صاحب نقيده تماما ويكون سبب انه يتعلم منه
والعكس نتمنى ان الدنيا كلها تبقى كويسه وامة الأإسلام كلها تكون امه صالحه

تحياتى ونورتى البوست المتواضع

nageh

Radwa يقول...

ابم مصر
اولا ميرسيه جدا على زيارت لمدونتى
ثانيا ميرسيه على المجاملة الرقيه بتاعتك
ثالثا
يمكن موضوعنا متشابه لحد كبير
ربما نختلف فى الفرع ولكن الاصل ثابت
لكن لعلم عزيزى ان المستحيلات الثلاثة فى الدنيا هى الغول والعنقاء والخل الوفى
فطبعا لا اعزمك على التقاء صديق
رابعا ودا مهم جدا
ان كلنا بندور على الصداقة وكلنا مش لاقينها
المشكلة عزيزى فى النفوس
تحياتى
.....................
سندريلا

إبن مصر يقول...

sendrlla
اولا انا برحب بيكى فى مدونتى المتواضعه واتمنى انها مش تكون الزياره الأخيره ودوام التواصل بينا شئ يسعدنى

بس ملاحظ فى كلامك كده شئ من التشاؤم من ناحية الصديق
الصديق المخلص موجود بس المهم اننا نسعى اليه وده لأنه هيكون نجاه لينا فى الدنيا والأخره والمشكله انك تدورى ولو على صديق واحد اتمنى انك تلاقيه

تحياتى ودومتى بكل خير وصحبه طيبه

nageh

كراكيب يقول...

ايه داااااه
تخيل انا لو كنت تعبت نفسي وبصيت على اللينك بتاع البلوج كنت هلاقي مكتوب ناجح
يا سبحاااااان الـلـه
شوف ياراجل اهي الناس كدة مابتحبش تتعب ابدا
اسمك محمد نـــاجح
يا سبحااااان الله برده تاني
معرفش سبحان الله ليه المرادي بس هو انا كتبت كدة بقى وخلاص

طيب يا محمد دي حاجة كويسة اننا عرفنا انك محمد
مع السلامة بقى يا محمد علشان انا يا محمد بقى جعانة يا محمد وعايزة اكل يا محمد :)
مش عايز اي خدمات يا محمد؟؟

فتك بعافية ;)
يا محمد

إبن مصر يقول...

كراكيب
ههههههههههههه
ههههههههههههه
ماشى ياميرو اتفضلى عندى اكلك يا ميرو ونورتى والله يا ميرو وياريت تنورينى كده على طول يا ميرو
كل ده محمدات يا ميرو
ميرو نورتى بجد والله نورتى ودايما منوره تحياتى
nageh

المـــفـــــــقــــــــوعـــــة مــرارتـهــا يقول...

انا مش خايفة علي ابني غير من أصدقائه
فالصديق تأثيره اقوي بالفعل من التربية
ويارب يكون محظوظ في اصدقائه مثلما كنت محظوظة فيهم في فترات شبابي وطفولتي
بس تصدق انا مر عليا اصدقاء سوء بس ماأتأثرتش بيهم يعني مثلا في بداية دخولي لكليتي صاحبت مجموعة من الصديقات وكنت بأتفرج عليهن والصراحة لم احاول ان اغيرهن بل اخذت جانبا وتركتهن غير آسفة عليهن ولم اتأثر بأفعالهن وبريقهن ثم تعرفت علي صديقات أخريات ببساطة وصديقاتي الجديدات مازلن الي الآن صديقاتي نعم بعدت المسافات ولكني مازلت احافظ عليهن واكلمهن في المناسبات واتذكر اعياد ميلادهن واتشاور معهن

إبن مصر يقول...

المـــفـــــــقــــــــوعـــــة مــرارتـهــا شرف كبير جدا انك تنورينى النهارده وربنا يستر على ابنك وابناءالأمه جميعا من الصحبه السوء بس خلى بالك الموضوع بتاع التربيه ده مش الأصحاب هم العامل الأساسى لا العامل الأساسى انتى وخلى بالك عليه
اما بالنسبه لأصحابك كويس انك بعدتى عنهم ده لأنهم جماعه ببساطه يعنى من الصعب ان الواحد يقنع فرد مابالك بالجماعه اكيد الهزيمه فى الحوار موجوده فالبعد كان احسن
تحياتى ليكى وبالتوفيق دايما
ولإبنك منى التحيه

nageh

PrInCeSS BeRy يقول...

الله عليك ما شاء الله من اجمل الحجات اللى بجد بحبها وبقدرها الصداقة وفعلا مهم جدا نختار اصدقاءنا اختار الصديق قبل الطريق لانو هيشاركنى كل حاجة فا لازم يكون صديق ياخدنى طريق صح مش غلط والخاتمة من عند ربنا بقة يقيمنا كبشر بس بجد اختيارك للبوست رائع وابدعت فى كتابتة

إبن مصر يقول...

PrInCeSS BeRy
على رأى هانى فينك من بدرى
نورتى اخيرا يارب دايما
وشكرا لمجاملتك الرقيقه وتحياتى ليكى وانتى اللى دايما مبدعه فى المدونه عنك
شرفتى ويارب دايما ومش تتأخرى علينا

تحياتى
nageh

son's egypt يقول...

السلام عليكم
الواحد فعلا لازم يختار الصديق اللي يوصلة للجنه
ويكون بجد الواحد يتمناه يكون معاه في الجنة

son's egypt يقول...
أزال المؤلف هذا التعليق.
عاشقة القمر يقول...

سلامو عليكوووووووو
انا كنت معديه من هنا كده فلقيت تجديدات وحركات جديدة فقلت اقول مبروك واديني قولت يبقى خلاص امشي بقى .. يلا سلام :)

Aиgel يقول...

انتظرونا قريبا في
(( خمسة لقلبك ))
مع
Aaya & Angel


http://5toyourheart.blogspot.com

غير معرف يقول...

مبروك على التجديدات وعلى فكره زوقك جميل جدا فى اختيار الالوان والتنسيق كدا زادا المدونه (جمالا فوق جمالها )وجمال كاتبها.
اللهم اجعل فى قلوبنا نور

إبن مصر يقول...

عاشقة القمر
وعليكوا السلام
نورتى والله واتمنى ان التجديدات تكون عجبتك
وياريت المره الجايه لما تعدى تقفى تستنى تنورينا شويه والله تنورى

بس عندى استفسار صغير
هو ازاى قمر يعشق قمر
ههههههههه
تحياتى واتمنى دوام التواصل بينا
nageh

إبن مصر يقول...

Angel
منتظرين ويارب يارب التوفيق ليكم
وان شاء الله تكون بناءه وموضوعيه
تحياتى
nageh

إبن مصر يقول...

australia
ياحبيب قلبى تسلم يا حبيبى
والله مش عارف اقول ايه قدرام كلامك الحلو ده واتمنى بجد تكون التجديدات عجبتك
وربنا يجعل نوره يطغى على قلوب المؤمنين جميعا

نونو يقول...

جييييييييييت اسلم واعرف ايش الاخباااار ؟

إبن مصر يقول...

نونو
عارف بتسألى عن ايه والله جاهز وان شاء الله ينزل النهارده وكويس انك جيتى تانى تنورينا

كـــيــــــــارا يقول...

بوست بجد

مفيد جدا جدا جدا جدا

وفي الجون وفعلا بيكمل البوست بتاعي الصاحب ساحب فعلا معاك حق

كل سنه وانت طيب :)