تااااااااااااااااااااااااااج كبير اوى

نونو الجميله اهديتنى تاج وبصراحه انا كنت قلقان جدا من موضوع التاج ده لأنى مش بعرف اكلم عن نفسى خالص ولكن نونو زنقتنى ومقدرش ارفض ليها طلب
ماااااااااااااااشى يا نونو
بس حاضر نقول بسم الله
أكتب 16 صفة عن نفسك؟

صعبه جدا بس هحاول
بحب انى دايما قبل ما اعمل الحاجه اشوفها حلال ولا حرام
اتمنى انى اكون بحب ربنا والرسول واتمنى ان ده يكون حقيقى ومش رياء
الحمد لله دائم على الصلاه فى المسجد ان امكن
بحب مصر جدا جدا وعندى انتماء غريب ليها
بحب عيلتى وده طبيعى لكن إنما اللى مش طبيعى انى انا دايما فى حالة اشتياق ليهم حتى وأنا فى البيت معاهم
محبش الظلم ولا ليا ولا لغيرى يعنى ولاأظلم ولا اتظلم
بحب الحب للناس و الحمد لله المقربين لى بيحبونى على ما اعتقد يعنى
مبحبش التكبر على الخلق واحب اكون دايما متواضع ولو الموضوع لقيته هيفلت منى بعمل حاجه اقل منى بحيث اقلل
من نفسى قدام نفسى
بحب العدل وبكره الظلم جدا جدا
قلبى خفيف ودمعتى قريبه زى ما بيقولوا من مشاعرى الخفيفه لدرجة انى مش بعرف اشوف الفرخه وهى بتدبح مش عارف ده عيب ولا ميزه
المهم انها صفه
بعرف امتص غضب الناس ودى ميزه اكتشفتها فى شغلى وبعرف اعاملهم بقدر عقولهم
بيقولوا انى دمى خفيف مش عارف بس ده فى البيت بس مش فى الشغل
راضى باللى ربنا يديه لى ولكن دايما بسأله اكتر
وطموووووووووووح لأبعد الحدود وجرئ جدا ومش بخااف الا من ربنا وبس
نفسى السلام يعم العالم كله وخصوصا ا لعربى والإسلامى
نفسى فلسطين ترجع كامله لينا والأقصى يكون زيه زى المسجد الحرام والناس تزوره ومفيش اى مشكله
ببساطه وبكلمه واحده نفسى الاقى اسرائيل مختفيه تماما وصدقونى لو ااختفت المشاكل اللى فى العالم كلها هتزول تماما
احب جدا ان المدونه تعجبكم كلكم وتكون من اشهر المدونات الموضوعيه فى عالم التدوين
الحمد لله خلص السؤال الصعب
نيجى للأصعب
لمن اعطى التاج؟
اولا اعطى التاج لكل من يدخل على مدونتى ويسيب كومنت على البوست ده

واخص بالذكر

اشراقة امل

كراكيب

سنووايت

عاشقة القمر

انجل

بنت المنصوره

•√♥ أريــ السمر ــج ♥√•

وفى االأخير لابد ان اشكر من اهدتنى التاج وهى نونو الجميله

شكرا نونو وشكرا ليكوا كلكم