كتير بيسألونى انتى مين (هى دى مصرمنتظره ايه تانى ممكن يحصل فيها )


تاج كلاكيت تانى مره






جانى تاج من الصديقه الغاليه عبير صاحبة بلوج جميل جدا ولذيذ جدا جدا اسمه عاشقة القمر





أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟





1/ كان نفسى اكون لاعب كره كبير جدا ومشهور



وكنت سعيت لده ولعبت لفتره فى قصيره جدا فى المنصوره لا تتجاوز الأسابيع ولكن سيبتها علشان الدراسه ولو اتكرر تانى كنت هعدله واستغنى عن الدراسه بس ارجع واقول قدر الله وما شاء فعل



2/كان نفسى اكون ظابط شرطه وده كان حلمى من الإبتدائى ولكن الحلم ده تبخر كلما علمت انها ليست بالمجموع بقدر ما هى وااااااااسطه وطبعا ايدى مش طايله اى واسطه



3/كان نفسى اسافر اوروبا وباريس بالزات



واجيب فلوس كتير واعيش العيشه الأوربيه انا وأهلى وحبايبى ولكن مليش نصيب




4/بحلم ولسه بحلم ان مصر تكون اقوى واحسن واجمل دوله فى العالم



إقتصاديا وسياسيا وإعلاميا وفى كافة المجالات




5/ من وقت ما سمعت عن الكمبيوتر وحلمت ان الجهاز ده اعلم كل حاجه فيه من الألف الى اليااء



ولكن انا لقيت الألف وانا عارف انه مش له ياااء ولكن بتعلم فيه بخطى سابته وبسرعه ومحدش يستغرب انى بتعلم لأنه ملوش اخر وساعدنى على ده الشغل فى مجال هندسة الشبكات والإتصالات






أذكر 5 أحلام على الأقل تخص مستقبلك ؟




انا بطبعى طموح جدا جدا فأتمنى طيلة عمرى الإرتفاع فى مستواى الوظيفى مهم علا المستوى ده



فأتمنى من الله فى يوم من الأيام ان امتلك شركه نت




هفضل طول عمرى متمسك بالحلم ده لوقت ما يبقى حقيقه ان مصر تكون احلى واجمل دول العالم


وتتلغى بقا كلمة دوله نايمه ااقصد ناميه




بحلم انى الأقصى يتحرر من اليهود وأكون احد محررينه



وفلسطبن ترجع كامله لينا



بحلم انى اموت شهيد فى سبيل الله وفى سبيل نشر كلمة لا اله الا الله محمد رسول الله ويرضى عنى الله ورسوله الكريم
قال تعالى: (وَلا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتاً بَلْ أَحْيَاءٌ عِنْدَ رَبِّهِمْ يُرْزَقُونَ) (آل عمران:169

وفى النهايه لازم اعرفكم انى بحلم راضى بحالى راضى بحياتى اللى قدرت عليه بفضل الله عملته واللى هقدر عليه بعون الله هعمله

أذكر شخصين على الأقل متواجدين في حياتك حاليا .. كنت تود وجودهم قبل الآن بزمن ؟






انا بعتبره صاحبى من زمان توطدت علاقتى بيه من فتره بسيطه هو حبيبى وأخى فى الله (( نــــور )) اللى دايما يعلق فى المدونات بإسم استراليا



وإنسانه طيبه اوى محترمه اوى اوى هى صاحبة مدونة المشتاقون الى الجنه صاحبة النيك نيم ((( إشراقه)))



وازود عليهم مدونتى دى كنت اتمنى انها كانت معايا من زماااااااااااااااااااااان اوى (( إبن مصر))






أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟
مش هقدر اقول غير الحمد لله على الموجودين وربنا يبارك فيهم كلهم




تهدي التاج لمين ؟




انا كنت هبعته لنونو بس هى لسه كان عندها تاجين فمش هينفع بقا لأننا منتظرين منها جديد مش هتقضيها تيجان بقا وخلاص
يبقى أيه الشقيه الشعنونه
وميرو النيرو كوانيرو( كراكيب) اتفضلى بقى حللى التاج مش انتى السبب فيه
وخديجه محسن لؤلؤة الإسلام
ودودا صاحبة مدونة امتداد عقلى ونقولها كلنا حمدالله على السلامه من العمره وربنا يتقبل
طائر النار لكى منى التحيه والتاج
ورؤيه الهادئه بقالها فتره صامته عن الكلام نريدها ان تتحدث صاحبة مدونة تنهيده

وبكده اقول الحمد لله حليت الواجب ويارب أكون توفقت وطلعت فيه ناااااااجح




-تحياتي للجميع



هناك 65 تعليقًا:

غير معرف يقول...

im your favorite reader here!

غير معرف يقول...

Alla hu akhbar!!!

غير معرف يقول...

I agree with you about these. Well someday Ill create a blog to compete you! lolz.

غير معرف يقول...

Baw ah, kasagad sa imo maghimo blog. Nalingaw gd ko basa.

إشراقة أمل يقول...

ابن مصر
اولا :كان نفسي كون اول بوست وكنت انتظر النشر من امبارح ولكن الظروف منعت لكن اعمل شو يلا الحمد اله ولعلة خير
ثانيا: بوست جميل ويارب تتحقق كل احلامك لكن معلش بصراحة انا حمدت ربنا ان الزمن مش بيرجع وتترك الدراسة لانة مش هينفع تكون لاعب مشهور وجاهل
اشكرك جدا محمد على ذكري بالموضوع ويعلم ربنا كم اعزك فانت نعم الاخ و الصديق وشرف لي ان اكون ممن تعتز بأخوتهم وصداقتهم "وجه خجلان"

تحياتي
اختك اشراقة

غير معرف يقول...

اخي ابن مصر
ازيك وحشتنا جدا
شو هاي التاج الجميل والله تستاهلة

احلامك جميلة وان شاء الله ربنا يحققهالك

ويجمعنا سوا في الجنه

وبقول لاشراقة انتي فعلا اول بوست للغة العربية
يعني مش توعلى برضوا طلعتى الاول

سلام
ندوش

عاشقة القمر يقول...

محمد ..
ايوه كده برافو عليك انك نزلت التاج اخيرا ..
اجابات جميلة وأحلام حلوة اوي .. وربنا يقدرك وتحققها كلها على خير بإذن الله ..

Unknown يقول...

Good good good......

غير معرف يقول...

بسم الله الرحمن الرحيم :-
يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ .( الحجرات ).
أولا ربنا يحقق لك كل أمانيك بس بلاش الشرطة وأي أمنية تانية يا رب يوفقك فيها وتكون ذي بيل جست صاحب شركات ميكرو سوفت .
بعد ذلك يعجز اللسان وتعجز الأيدي عن كتابة أي شي .
يعلم الله مافي القلوب أخي حبيبي أحبك في الله وأحب أن أكون معك من الشهداء حتى نكون في جنة واحدة .
لك مني كل الدعاء الطيب
ولك مني التحية حتى نلتقي مرة أخرى لا أعلم متى ولكن سياتي هذا اليوم إن شاء الله .
لو بقيت اكتب لن اوفيك حقق كفاني فخرا ووسام على صدري أن أكون في مدونتك من الأصدقاء أو الأحباب أو الاخوة باي صورة كانت أن تكتب وتقول ذاك من المقربين لي .
عذرا للاطالة .

كراكيب يقول...

يا ابن اللذيييييينا
يا ابن اللذييييييينا
اعمل فيك ايه
اعمل فييييك ايييييه يا مغلبني يا مدوخني يا موريني النجوم في عز الظهر
حرام عليك عملتلك ايه ده انا قايدالك صوابعي العشرة شمع
اكل وبأكلك,شرب وبشربك,هدوم وبكويهالك,غسيل وبنشرهولك,نت وبدفعلك فاتورته

هههههههه ايه جو الافلام اللي انا عملته ده

ماشي يا ناجح ماهو كل ده من الصدمة

حسبي الله ونعم الوكيل

dodda يقول...

هوكل الصبيان كان نفسهم يحترفوا الكوره؟؟؟؟

مشكور على التاج
بس هو مش نفسه تاج الاحلام اللى كان عندى والا ده واحد تانى؟؟؟؟؟

ربنا يكرمك ويحققلك كل احلامك ويكتبلك كل خير
ويارب نشوف مصر احسن او حتى ولادنا يلحقوا اى حاجه كويسه فيها

وربنا يحرر المسجد الاقصى وينصر المسلمين فى كل مكان
امين

فراشة البساتين يقول...

اخى العزيز ناجح

ربنا يحققلك كل احلامك

ويجعلنا كلنا شهداء فداء للاقصى يارب

بس تفتكر مصر فى يوم من الايام هتصحى من النوم؟؟؟

------------------------

شكرا على التاج

واتمنى اكون عند حسن ظنك

انى احبكم فى الله يقول...

ايه الجمال ده كله والله انا نفسى تزور مدونتى تحياتى والحقيقه انت شدتنى ردودك على بعض اصدقائى لذا زرت مدونتك وياريتنى ما زرتها لانى اعجبت بها كثيرا وانا بصراحه تقدر تعتبرنى غيرانه

فى انتظار زيارتك

تحياتى

غير معرف يقول...

السلام عليكم..مدونتك اسمها حلو قوى ومضمونها كمان حلو بس عندى سؤال هو ليه كل المشايخ اليى موجوده سلفيين يعنى ملمحتش عالم من الازهر ولاا غيره ..وموضوع الخلافات الزوجيه هو لو كل واحد اتقا ربنا خلاص مفيش مشاكل ولاا خلافات...ده عنوان مدونتى شرفنى بالزياره http://ayzaatalawa.blogspot.com فى رعاية الله وامنه..

عاشــــــ النقاب ـقــــة"نونو" يقول...

السلام عليكم ورحمة الله
اجابات جميلة واللي ما اتحققش لعله خير وربنا يبارك في اللي اتحقق ويحقق لك اللي تتمناه وتبقى احسن شركة نت في العالم كله
وربنا يحرر بلاد المسلمين كلهم وتبقى مصر ام الدنيا زي الاول
كل عام وحضرتك بخير
تحياتي

إبن مصر يقول...

canadian penny stocks
يا عم الحج انت منور
بس خلى بالك من الأسهم

إبن مصر يقول...

sweepstake lottery
انت كويس والخيل اخباره ايه

إبن مصر يقول...

lottery ticket draws
الأول انت اتفقت معى
وبعدين كلام كده لما اترجمه اجيلك باين حد ضايع وبتدور عليه جايز فى المدونه اللى بعدى

إبن مصر يقول...

إشراقه
انتى كده كده اول كومتت هو انتى بتحبى دول تعليقات دول كانوا معدين فقلت اتفضلوا راحوا متفضلين فعملت شاى فحبوا يقولوا اى حاجه
بس انا لو الزمن رجع اشراقه عمرى ما اسيب التعليم انا كنت هربط بين الإتنين
وبعدين انا اللى اتشرف بصداقتك واخوتك
ومش خجلان
ههههههههههه

إبن مصر يقول...

ندوش
طبعا انتى منوره الدنيا وكلامك الحلو ده انا مش قده وانتى لو عندك مدونه كنت هبعته ليكى برده
ريارب يسمع منك ربنا ويجمعنا فى الجنه ان شاء الله
خللى بالك على نفسك

إبن مصر يقول...

عبير
هقولك ايه نتك للأكلت دراع جوزها
ههههههههه
ربنا يخليك يا عبير ومتشكر على التاج
ويارب يسمع منك ربنا واقدر احقق كل احلامى
وانتى كمان تحققى كل احلامك
تحياتى

إبن مصر يقول...

(^oo^) bad girl (^oo^)
هاتوا ليها كرسى ركبها وجعاها

kmt يقول...

السلام عليكم ورحمة الله وبركاته
يارب يارب يارب
حقق حلمه ومِصر تقوم من النوم
يارب يحقق لك كل احلامك ويوفقك الي مابحبه الله ويرضاه

تحياتي
الي اللقاء

رؤية يقول...

تاج جميل كالمعتاد،
واشكرك على اهدائك لى هذا التاج،
لكن اعتذر عن الرد عليه الان لانى نزلت البوست الجديد وكمان لسة عاملة تاج تانى من قريب،
لكن باذن الله عما قريب اعمله فى مدونتى،
لك منى التحية

كوارث يقول...

ابن مصر
اولا اجاباتك جميلة بس لفتت نظري اجابة وغاظتني في الوقت نفسه
عايز تسافر باريس وتعيش العيشة الاوربي ولو فيه نصيب هتروح ؟
امال فين حب مصر ده كله يا ريس؟

أية الشقية الشعنونة يقول...

تدبيسة علنى
عموما ميرسى جدا اوى خالص
وربنا يقدرنى وارد جماااايلك
اهئ اهئ
ان شاء الله لما اللينك يرجع
تحياتى يا استاذنا

إبن مصر يقول...

australia
حبيبى حبيبى حبيبى
والله انك اخجلتم تواضعنا
وانت تستحق كل احترام ولك منى الف تحيه وسلام ولم اوفيك انت حقك اخى الحبيب
وربنا يجمعنا فى الجنه شهداء ان شاء الله
ويجمعنا فى الدنيا على الخير بأمره سبحانه وتعالى
اخوك

إبن مصر يقول...

كراكيب
هههههههههه
تخيلوا يا اخوانا انى كل ما حاجه تدايقنى ادخل اقرا الكومنت ده وافضل اضحك وكل حرف له معنى وانا عمال اضحك
هههههههههه
بس بجد تعليق عثل عثل عثل
تحياتى وبعدين انتى اساسا مش محتاجه تاج انتى اصلك تاج لازم تتحطى على الرؤوس
تحياتى ميرو النيرو كوانيرو

إبن مصر يقول...

دودا
اعفو يا سيتى على ايه على التدبيسه
ههههههههههههه
وبالنسبه لكرة القدم انا كان فعلا نفسى ابقا لاعب كوره كبير
امال يعنى عايزه الصبيان يحلموا بإيه اكون لاعب جمباز هههههههه
تحباتى والعفو ياستى مره تانيه انتى تستاهلى تاج حقيقى صدقينى
وبارب يسمع منك دعاكى كله

إبن مصر يقول...

fire bird
ازيك ايتها الطاير وعايز اعرف الإسم علشان ننداى بيه
المهم انى مصر فعلا اتمنى انها تصحى وتفوق بقا

شكرا على مرورك ودومتى بكل خير

تحياتى \

إبن مصر يقول...

انى احبكم فى الله

ياسيتى ده شرف لى انك تزورينى وان كان كلامى عجبك فده من زوقك بس
وانا بالفعل زورت مدونتك وعجبتنى جدا ولا تغيرى ولا حاجه
وانا تحت امرك واتمنى والله دوام التواصل
خالص تحياتى وتقديرى

إبن مصر يقول...

عايزه اتطلق

اولا انا لما ازورك ده مش شرف ليكى لا ده شرف لى وانا فعلا زورتك وتشرفت بمدونتك وتشرفت اكتر بيكى وان كان على بعض المشايخ فهى غير مقصوده بالمره وبالنسبه للبوست بتاع الزوجين فده والله لو حصل بين الزوجين مفيش واحده هتقول (((عايه اتطلق )))
تحياتى وياريت تنورينى دايما

إبن مصر يقول...

عاشــــــ النقاب ـقــــة"نونو"
وعليكم السلام
شكرا ليكى ولكل دعواتك دى وربنا يتقبل صالح الأعمال واتمنى زيارتك الدائمه دوووووووون انقطااااااااع

إبن مصر يقول...

kemet
شكرا كيمت على المررور الكريم
ويارب يارب يسمع منك ربنا
ومصر تقوم من النوم اصل الليل طول اوى
نورتى وشرفتى
تحياتى

إبن مصر يقول...

رؤية

انتى كالمعتاد وق وشيك حتى فى اعتارك وجميله فى كلماتك وحروفك
اعتذار مقبول ولكى منى فائق الإحترام وخالص التحيه

إبن مصر يقول...

كوارث
اولا دى اول زياره لحضرتك ونورت يا ريس
انما انا عايز اقولك ان العيشه مش البلد انا اتمنى تراب مصر لكن مش حكومة مصر
ان كان على البلد فأنا مش قلت انى هروح انتمى لفرنسا انما اعيش عية فرنسا
حب مصر ده شئ محفور فى قلوبنا
حب مصر مخلوق فينا ومش فى ايدنا
حب مصر اغلى شئ فى الكون لقلوبنا
تحياتى وشكرا لنقدك البناء واتمنى ان حضرتك تكون عرفت ما قصده ان مصر حلوه ولكن العيشه .... هسيب النقط تكملها حضرتك
تحيات وتمنياتى بمزيد من النقد والزياره

إبن مصر يقول...

أية الشقية الشعنونة
هقول ايه الشقيه ومش شعنوونه
اى خدمه ومن غير عياط هتحلى الواجب يعنى هتحلى الواجب
اه نسيت اقولك سلمى على السويسيه كلهم
نورتى ايه

الريم يقول...

احلامك رقيقة وجميلة ربنا يناولها لك

إبن مصر يقول...

الريم
شكرا لمرورك
وشكرا لدعائك

غير معرف يقول...

انا كررت الزياره قولت يمكن الاقى بوست جديد..كل رمضان وانت بالف خير وانتا ابن مصر برضه ..فى رعاية الله وامنه..

إبن مصر يقول...

عايزه اتطلق
طبعا ترفى فى اى وقت ومش لازم يكون فى بوستات جديده انتى بتنورى الدنيا هنا عندى
تحياتى وكل سنه وانتى بألف صحه والسنه الجايه احلى من النهارده وانبارح
وكل رمضان وانتى بخير

فراشة البساتين يقول...

ايه ياناجح

فين الجديد؟؟؟؟؟؟؟؟؟؟

غير معرف يقول...

خليها للمره التالته بقه عندك تاج تانى اتفضل عندى عشان تستلمه بس مين الى صورتها فوق فى المدونه اوعى تقولى مصر..ايه دلالتها بالضبط ومين القمر اليى بتذاكر ياسمين..

نونو يقول...

الله الله ياعن اللعيب
كورة ومهندس
ربنا يحققللك كل احلامك انت تستهال كل خير
ربنا يعينك
عايز منى مرتب هى دى الصداقة
على العموم سيادتك تؤمر

قررت أكون عانس يقول...

يااه اد الدنيا صغيرة

التاج ده اتبعت لى برده بس لسه ماجاوبتش عليه

نونو يقول...

خلاص ياسيدى ننظر فى موضوع المرتب دة
اكتب طلب
وامضى علية من اتنين مدونين
وننظر فى الامر

نونو

كـــيــــــــارا يقول...

اشطااااااااااااااااااااااااات


مبروك عليك التاج
واجابات مميزه فعلا
ربنا يوفقك يارب


تحياتي

كيارا

إبن مصر يقول...

fire bird
قريب ان شاء الله

إبن مصر يقول...

عايزه اتطلق
انا متشكر جدا جدا على التاج بس للأسف هو نفسه التاج اللى موجود دلوقتى وطبعا بشكرك من كل قلبى على اهدائك لى اياه
اما بالنسبه للصوره فهى فعلا شدتنى اوى وقولت عامله زى مصر منتظره اللى ممكن يحصل تانى وده باين من الكومنت اللى سيبته تحتها
اما ياسمين دى بنت اخى الغاليه روح قلبى
شكرا ليكى جدا

إبن مصر يقول...

نونو
حمدالله على السلامه يا عسوله
وهوده حميده ان شاء الله ويلا بقا متشوقين ليكى ولأعمالك الرائعه ذات الظل الخفيف
وبالنسبه للمرتب فده حقى بعيدا عن الصداقه ولا هنحمرأ ههههههههه حلوه هنحمرأ دى
تحياتى يا عسل

إبن مصر يقول...

قررت أكون عانس
اه صغيره اوى قد خرم الإبره
وان شاء الله تجاوبى اجابات حلوه كده زيك ويارب يوفقك وتتجوزى ههههههه
نورت يا جميل

إبن مصر يقول...

نونو
مش عايزه دمغات ولا طابع شرطه
والإمضاء يكون فوق السن 45 سنه

إبن مصر يقول...

كيارا
اول كومنت عندى وبجد سعبد جدا بتشرفك لى
والله يبارك فيكى ويخليكى
تمنياتى بدوام التواصل

غير معرف يقول...

انا مش مصدقه نفسى دا انا باعته نفس التاج اليى انا كنت سايبه عليه تعليق عندك يا فرحتى بعقلى وذاكرتى معلش يا استاذنا هعوضهالك فى تاج تانى برضه شكله هيبقى عندك...والله انتا انسان محترم اليى مرجعتليش التاج فى وشى..كل رمضان وانتا بالف خير واسفه بقه النسيان وزهايمره بعيد عنك وعن المدونيين ...

جوجو يقول...

السلام عليكم

اسجل اول مرورى

مدونة رائعة

اجابات متميزة

طموح جميلة

تقبل مرورى

نونو يقول...

رمضااااااان كريم كل سنة وانت طيب
ويارب يكون احلى رمضان علينا

إبن مصر يقول...

عايزه اتطلق
شوفتى بقا
انا بس عاذرك ربنا يكون فى عونك هو انتى دماغك فاضيه لينا علشان تركزى فى المدونات والمحكمه
تحياتى وتنورى وتبعتى اللى انتى عايزاه وأحنا عيونا ليكى

إبن مصر يقول...

جوجو
نورتى وشرفتى
ويارب دايما منوره ومرفه المدونه والحمد لله انها عجبتك
ويارب تكونى مستديمة الزياره
لأن زيارتك تسعدنى
تحياتى جوجو

إبن مصر يقول...

نونو
وانتى طيبه يا عسوله
وربنا يجعل كل رمضان بعدى يكون فى الخير لينا اكتر واكتر
وربنا يتقبل منا جميعا نونو


نونو تحياتى

فراشة البساتين يقول...

ايه
انت فين

ايه الغيبة دى كلها

فين الجديد

Aиgel يقول...

كل رمضان و أرواحكم البيضاء بخير
اللهم أجعل في قلوبنا نوراً يضيء ظلمة الليالي برضاك عنّا ,
و أجعل في أجسادنا هِمَمٌ تحتوينا فترتقي بنا نحو عفوك ” آمين ”

كل سنة وحضرتك طيب
أختك في الله
Angel

عاشقة القمر يقول...

عمو عمو عمو هو انت روحت فين ؟؟؟ .. فين الجديد .. ايه الغياب ده ؟ .. يارب تكون بخير .. مستنيين جديدك بسرعة

نونو يقول...

انت فيييين يا بنى
فين جديدك
على عموم انا جيييت اسلم قبل ما اروح المعتقل
نتقابل بقى ليلة العيييد بقى
رمضاان كريم
كل سنة وانت طيب واهلك كلهم بخير

لؤلؤة الاسلام يقول...

ما شاء الله
اجابات رائعة
و ان شاء الله يتحقق لك كل احلامك
و انا عارفة
ان ردىىىىىىىىىىىىىىىىى
متاخررررررررررررررررررررررر اوى بس مش عارفة
استراليا
قالى اقرايه و ردى تانى
و تحياااااااااتى

رمضان كريم

Egyptian citizen يقول...

اجاباتك كانت فعلا كويسة
و احسن شئ اني عندك طموح انك تتعلم
كل شئ عن الكمبيوتر مش تبقي مجرد مستحدم ليه و بس زي ناس كتير
ربنا يوفقك و يخليلك الناس اللي بتحبهم