كتير بيسألونى انتى مين (هى دى مصرمنتظره ايه تانى ممكن يحصل فيها )


باكيين رايحين جايين

السلام عليكم احبابى زوار مدونتى الكرام
احب ان اعتذر لكم على التأخير فى عمل الجديد
وبشكركم جميعا على اصراركم على الحضور رغم انقطاعى
الأول كل سنه وانتوا كلكم طيبين وبكل خير وربنا يجعل ايامنا كلها رمضان

وإن شاء الله قبل ما يبدأ هيكون فى معانا موضوع حلو عن الشهر الكريم ده
نيجى بقا لموضوعنا اللى هو الخيبه الكبيره


بيكين
طبعا كده الموضوع بان انا عارف ان كتير اتكلموا فى وسائل الإعلام المرئى والمسموع والمقروء ولكن مش كتير تترقوا اننا نعرف البعثه دى صرفت كام
تعالو نقول الرقم الكبير 60 مليون جنيه اتصرفوا يا ولاد الحلال


فاكرين صفر المونديال كان كده وقالوا هيكون فى تحقيقات ولكن مين هيحاكم مين لا قاضى ولا متهم القاضى هوالمتهم

نقول كل اتحاد صرف كام من بعد اثينا الى بعد ما فشل فى بكين سواء تأهل اولم يتأهل



اتحاد ألعاب القوى صرف 2.088.972


إتحاد التجديف 4.033.765


إتحاد اليد 4.327.629


إتحاد الطائرة 3.734.037


إتحاد القدم 2.593.929 ولم يتأهل من الأساس



إتحاد الجو دو 1.741.621 وحصل على الميداليه اليتيمه وهى برونز هشام مصباح يا رافع راسنا كتر الف خيرك



إتحاد الملاكمة 2.070.572
إتحادالخماسي 0.924.556 وهو حديث العهد
إتحادالتايكوندو 2.304.088


إتحادالمصارعةالرومانى 2.855.477



إتحادرفع الأثقال 3.331.650

إتحادالجمباز 2.150.106


إتحادالشراع 0.863.552

إتحادالدرجات 1.854.626.


إتحادالفروسية 1.102.448
إتحادالسلة 2.593.929 ولم يتأهل من وأراح نفسه وأراحنا معاه
إتحادالهوكي 1.959.797

إتحادالكاراتيه 0.328.572

إتحادتنس الطالوله 1.187.862


إتحادالسباحه 4.895.842 نصيب الأسد

زهقتوا من كتر الأرقام طيب كمان اللى اخدهم ليه مش زهق
على فكره انا جمعت الأرقام دى من جرائد وبرامج قوميه ومفيش ولا رقم من جريده معارضهأو برنامج معارض وكمان للعلم الناس لما اخدت الفلوس دى كانت واخدها على مراحل سبعه والتواريخ موجوده بس مش حابب اطول عليكوا اكتر من كده
كل اللى عايز اقوله اننا دوله اتعودنا على النكد بعد كل دوره لما جيبنا خمسه فى اتينا قولنا اللى عمرنا ما قولناه من شعر والأغانى الوطنيه
احنا مش متعودين على انتظار نتائج فى االدورات انما مش تبقى خساره من كله حتى الفرحه مش موجوده بعد صرف 60مليون جنيه مصرى وحطوا تجت مصرى كام خط كده الفلوس دى كانت كفيله تحل ازمات كتير اوى فى البلد توظيف او إسكان او ,,,,,,,, اوا,,,,,,,,, إلخ

بلاش ازمات خلينا فى الرياضه يعنى 75 مليون مصرى مفيش فيهم اشبال تصلح إنها تتجهز ويتصرف عليها الملايين دى وتجيب فلوس بدل اللى صرفوها
عموما اتمنى الوقفه من الحكومه وتعالوا نتحاسب بالورقه والقلم والمهدر للمال العام انا من رأى انه يتحاااكم
وأسف انه كان بوست طويل شويه انما بصراحه انا مبقوق وكنت عايز اتفك معاكوا شويه والفلوس دى كانت أحسن توجه إلي ما يخفف العبء عن كواهل البسطاء في هذا البلد

هناك 32 تعليقًا:

غير معرف يقول...

أولا :- كل عام وانت والمسلمين بخير .
باكيين وليست بكين .
إنت منتظر إيه أنا أعتقد لو الفلوس دي إتصرفت في مكانها الصح الوضع كان هيكون أفضل من كدة لكن للاسف ٣/٤ الفلوس أكيد راحت في بق الاسد ............؟ كويس
إن إسم مصر ظهر أصلا في الدورة دي .

إشراقة أمل يقول...

ابن مصر
انا هحجز اول تعليق
اقرأة وارجع

إشراقة أمل يقول...

افتكرت نفسي اول تعليق دانا عاملة مجهود في دخول النت
كل عام وانت الى الله اقرب
بصراحة انا زهلت بالارقام دي والله ان الغلابة محتاجين الاقام دي اعتثد ان صرفها عليهم كان افضل من التبزير هاد
ربنا يوفقك
تحياتي
اشراقة

فراشة البساتين يقول...

(( سالمة يا سلامة روحنا وجينا بالسلاااااااااااااامة ))

اسكت يا ناجح الله يكرمك

هى دولة أصلا عايزة الحرق

عارف البوست ده فكرنى بفيلم ( عايز حقى ) بتاع هانى رمزى لما اكتشف انه من ملاك المال العام (م.م.ع)

وراح يطالب بحقه وقعد يبيع فى البلد وفى آخر لحظة أخدته الشهامة ورجع فى كلامه

والله العظيم حرام لما الدولة يبقى نصها واكتر جعان ومش لاقى ياكل و 60 مليون يترموا على الارض

حسبى الله ونعم الوكيل

ومش عايزين الشباب يهاجروا هجرة غير شرعية ؟؟؟
ولا يعقدوا على القهاوى صايعين ؟؟؟
ولا البنات تعنس من فقر الشباب ؟؟؟
ولا معدل الانحراف يزيد ؟؟؟
دا كويس جدا انهم وصلوا لغاية كدا بس

حسبى الله ونعم الوكيل كمان مرة

فراشة البساتين يقول...

وبعدين انت تغيب كل ده

وتنزل بموضوع يحرق الدم ؟؟؟

نسيتنى أقولك كل سنة وانت طيب

رمضان كريم

عاشــــــ النقاب ـقــــة"نونو" يقول...

هنقول ايه
حسبنا الله ونعم الوكيل
اااه يا فلووووووووسي

الريم يقول...

يااااااا قليل اوى عشان كده معرفنش نعمل حاجة ولا تزعل نفسك وكل سنة وانت طيب

غير معرف يقول...

لا احنا متعودناش على النكد احنا اتعودنا على الاستهبال واكل مال البلد واليى بيوقع تحت ايده حاجه بيجرى ينتشها وده على اساس انه مال سايب واحنا شعب مبنتعلمش من اخطائنا ولو كل دوره او بطوله حاسبنا الاعيبه حساب الملكين عن الخساره مكنوش اتجرائو انه يخسروا تانى الموضوع ده فعلا مؤلم نفسيا لان كلنا متضررين منه ان فلوس بلدنا تتبعزق كده..ربنا يلطف بينا وكل رمضان وانتا ومصر بالف خير..

أية الشقية الشعنونة يقول...

ايه البهدلة دى
بصراحة انا متابعتش الدورة بس بجد

حاجة تكسف جدا ان مصر و ولا حاجة ابيض كده

يالهوى بجد بجد عندك حق يعنى الفلوس دى لو كانت اتصرفت على اشبال ولا على التعليم ولا اى زفت بدال
اخخخخخخخخخخخخخخخ
انا مغلولة عالم فاضية
تحياتى

Unknown يقول...

تصدق انا بطلت اتضايق !!
و بطلت دمي يتحرق ..!!
فعلاً بطلت !!
و دة متوقع !!
هو في انتماء اصلاً ؟؟ !!!!!
يبقى ازاي هجتهد عشان فكرة مش مؤمن بيها !!
صدقني..
مش فارقة اوي !!

طوبه فضه وطوبه دهب يقول...

اخى العزيز ليست هذه هى المهزله الوحيده فى مصرنا الله يرحم صفر المونديال اعظم شاهد على عظمت الرياضه والرياضين فى مصر ويجعله عامر
لك تحياتى

رؤية يقول...

انت مبقوق بس!!!
بصراحة ليك ولينا الحق يحصلنا اكتر من كدا!!!

ومبروك علينا البرونزيه!

Empress appy يقول...

ههههههه بكينى ولا تغدينى
مش عاوزة اتكلم فى الموضوع ده بجد بيحرق دمى موت
كل سنه وانت طيب

Unknown يقول...

هههههههه
انا شفت صورة كتكوت انفجرت من الضحك
واضح ان احنا هنلغي الارقام من هنا ورايح وهنوحدها زي العمله كده وهيبقى الصفر وبس

إبن مصر يقول...

نووووووووووووور

وانت بكامل الصحه والعافيه وبخير حال

فعلا الفلوس أكيد يانور راحب فى بق السبع بس اللى اعرفه عن السبع انه بيشبع وكمان جدع انما السبع ده ولا بيشبع ولا عنده دم
وعلى رأيك كويس اننا وصلنا بس مش شايف ان التمن غالى شويه يا نور

حبيبى وحشنى جدا جدا

نور
كل سنه وانت طيب ودعواتك

إبن مصر يقول...

ashraketamal

انتى حجزتى متاخر

يلا البوست الجاى تعالى بدرى شويه
ههههههههه

إبن مصر يقول...

ashraketamal

وانتى الي الله اطيب واقرب واحسن حال

ولا تزهلى ولا حاجه دى ارقام بسيطه جدا دى حاجات بالورق انما اللى تحت الترابيزه بيكون من غير ورق
وفعلا المساكين كانت فى احتياج الى كلم رقم وجنبه اى صفر او مش مهم اصفار بس يدولهم اى فلوس
والله مساكين ويستاهلوا

إبن مصر يقول...

fire bird
والله ديما مشرفانى ويتسألى وسؤالك بيسعدنى جدا جدا

وبعدين مش الدوله والله اللى عايزه الحرق
انتى وانا وكل الناس عارفين مين اللى يستاهل الحرق

وهقول معاكى حسبى الله ونعم الوكيل

عسى الله ان يتقبل منا

إبن مصر يقول...

fire bird
اسف انى حرقت دمك
لكن والله مش انا السبب
اللى اخدوا الفلوس هما السبب
وكل سنه وانتى طيبه يا....... يلا ماعلينا

كل سنه وانتى بخير

إبن مصر يقول...

عاشــــــ النقاب ـقــــة"نونو"

متزعليش على الفلوس وقولى دايما

حسبنا الله ونعم الوكيل

إبن مصر يقول...

الريم
مهو انا منزل البوست علشان اعرف الناس انهم قليلين وبلاش يظلموهم والمره الجايه يدوهم على الأقل 600 مليون

ههههههه
كل سنه وانتى بخير

إبن مصر يقول...

عايزه اتطلق

كل رمضان وانتى بكامل الصحه يا محاسن

وعلى فكره انا مش شايف ان العيبه هى المقصره فىا لموضوع ده انما الإدارات بتاعتهم هى المسؤله مسؤليه كامله
لأن لما يكون عندك لاعب فتنس صح ومش يتجهز صح يبقى مش مشكلته
مش كده ولا ايه


تحياتى
وأخبار القضيه ايه

كل سنه وانتى طيبه

إبن مصر يقول...

أية الشقية الشعنونة
ازيك يا أيه واخبار السويسيه ايه

على رأيك لو الفلوس كانت اتصرفت حتى ولو على سواقين التاكسى مش كان يبقى احسن من انهم يتوهوا الناس
ههههههه

دايما منورانى ايه

كل سنه وانتى طيبه

إبن مصر يقول...

قهوة بالفانيليا - شيماء علي
أول مره تزورى المدونه واسف انى دايقتك ولو انك بتقولى انك بتطلتى تدايقى لكن اشك
المهم يشرفنى تواجدك الدائم وأرائك البناءه
تحياتى شيماء

إبن مصر يقول...

طوبة ذهب وطوبة فضة
أهلا بيكى فى المدونه واتمنى انها تكون عجبتك ومش تكون اخر زياره وتمنياتى بمزيد من الزيارات

وبالنسبه للصفر برده عملول كده وقالو لازم ندور على المسؤول ولكن كل مسؤول جاب من الأخر وقال انا كمسؤول مش مسؤل ههههه
تحياتى واتمنى انه يجعلها عامره دائما ولكن بجد

إبن مصر يقول...

رؤية
الهادئه الصامته منذ فتره رؤيه اين انتى فينك؟؟
واعتقد اننا مش نستاهل يحصل اكتر من كده فينا

والبرونزيه كانت حفظ ماء الوجه
وربنا يبارك فيها واللى جابها

تحياتى رؤيه

إبن مصر يقول...

appy
والله حرقة الدم مش انتى لوحدك انما كتير من الشعب ولكن مفيش عندهم وسيله اعلاميه يتكلوموا فيها

تحياتى ودمتى بكل خير
وكل سنه وانتى طيبه وبخير

إبن مصر يقول...

لماضة
أهلا دكتوره ولا اقول ست الدكتوره

ايه ده يا دكتور انتى نسيتى البرونز ولا ايه ؟؟؟
امال صفر ازاى

اتمنى ان المدونه تكون عجبتكك فى اول زياره ليكى وتمنياتى بمزبد من التواصل


خالص تحياتى

بنت مصريه يقول...

يا عم انت بتتكلم ف ايه
دى رياضه يابنى
عايز الحكومه تصرف عالناس اللى مش لاقيه تاكل دى وتسيب الرياضه
اما انت غريب بشكل
احنا مش مهم نموت م الجوع ف داهيه المهم الرياضه ههههههههههه
احييك

PrInCeSS BeRy يقول...

ابن مصر


كل سنة وانت بخير ورمضان كريم

بصراحة انا مش متابعة جيدة للرياضة بس انا استغربت من الارقام دى جدا بس هنقول اية بلدنا فيها اية كويس يعنى

تحياتى لك

إبن مصر يقول...

بنت مصريه

حمدالله على السلامه يا مصريه
اه انا نسيت ان الرياضه اهم
وفعلا انا اصلى مش من هنا انا من هناك
هههههههههههه

انا اللى بحيكى ونورتى يا مصريه

إبن مصر يقول...

PrInCeSS BeRy
وكل سنه وانتى بخير وتفضلى طول عمرك برنسيس

وبحسدك انك مش كنتى متابعه
دنا كان بيتحرق دمى كل يوم

يا بختك
حبه حسد بقا
ههههههههههه