الدليل بالصور

بسم الله الرحمن الرحيم

الكثير منا لا يعلم ما الفائده التى تعود على الصائم

هذه هى الفوائد بالصور والشرح فى كل صوره ورمضان فعلا كريم

أرجوا ان اكون وفقت فى نقل هذه الصور الطبيه بعض الشئ بدون خطأ

رمضان كريم

وأن تصوموا خير لكم

الحمد لله الذى نصر الصائمين

السلام عليكم ورحمة الله

برغم قلة دخولى على النت هذه الأيام إلا انهم يستحقوا ان نشكرهم بعد الله سبحانه وتعالى فريق محب لله والسجده هى قمة فرحه وتعبيره عن شكره لله

انهم نجوم مصر اللذين حققوا الإنتصار على الكونغو وعلى الظروف وعلى درجة الحراره العاليه والرطوبه التى وصلت فى احيان كثيره الى 80% والملعب القاسى فى ظل الصيام الذى كان سبب لأداء أفضل وانتشار احسن

مصر كتير جدا فازت ومصر فى السنتين الأخيره مع حسن شحاته بتأدى بشغل وفكر فى الملعب

ولكن فوز أمس فهو فوز ليس على منتخب الكونغو وفقط وانما فوز على كل الظروف اللى ذكرتها ولكن السبب فى الفوز هو ايمان النجوم
نعم فهم امنوا وصدقوا ماقاله الحبيب المصطفى عندما قال

(((( صوموا تصــحوا ))))

وقوله تعالى فى كتابه

((((وأن تصومواخير لكم ))))

فلم اكن اتوقع انهم يلعبوا بهذا الفكر فى الملعب بأقل مجهود لعبوا وأدوا المتاح فى هذه الظروف

انهم انتصروا وليس الإنتصار مصرى وفقط

وانما هو انتصار للإسلام عندما اصروا على الصيام وبرغم انه كان مباح لهم الإفطار الا انهم أصروا وصاموا ليكون الله معهم ويعينهم على اداء جميل يكلل بالفوز بهدف ولا اروع للفنان الإنسان ابو تريكه
بركاتك يا أبو تريكه

شكرا يا رجال مصر

شكرا يا رجال الإسلام

وهذا هو الهدف الذى احرزه ابو تريكه فى المباراه

ولتحميله ايضا عن طريق هذا اللينك

http://upgiga.com/rmhlaay2n7ik/Egypt...deyaa.avi.html

وهذا هو الترتيب بعد هذه الجوله

أهلا رمضان

اهلا بك رمضان اهلا
حللت اهلا ونزلت سهلا
اهلا بك ياكريم
اهلا بك يا حبيبى
كل سنه وانتم طيبين ورمضان كريم

النهارده اول ايامه العطره

يقول الله فى حديثه القدسى
(( إذا كان اول ليله من شهر رمضان نظر الله الى خلقه وإذا نظر الى خلقه وإذا نظر الله الى عبد لم يعذبه أبدا ولله فى كل ليله ألف ألف عتيق من النار فإذا كانت ليلة تسع وعشرون أعتق الله فيها مثل جميع ما اعتق فى الشهر كله فإذا كانت ليلة الفطر إرتجت الملائكه وتجلى الجبار بنوره مع أنه لا يصفه الواصفون فيقول للملائكه وهم فى عيدهم من الغد : يا معشر الملائكه يوحى اليهم ماجزاء الأجير إذا وفى عمله ؟؟
تقول الملائكه : يوفى أجره
فيقول سبحانه أشهدكم انى قد غفرت لهم

من أساليب اى هريره

فهنيئا لنا هذا الشهر

هذه من العطور التى يقدمها الينا هذا الشهر الكريم بحق

ولكن اخوانى اناشدكم وأناشد نفسى ان يكون الصيام صيام بحق حتى نفوز ونكون من الفائزين فى رمضان
يقول الله فى حديثه القدسى ايضا
من لم يصم جوارحه عن محارمى فلا حاجة لى فى أن يدع طعامه وشرابه من أجلى"
( أخرجه أبو نعيم عن ابن مسعود)

وأكثروا من ذكر الرحمن فى هذه الأيام أكثر من انشاغلكم بالدعاء

يقول رب العزه ايضا فى حديثه القدسى

" من شغله ذكري عن مسألتي ؛ أعطيته أفضل ما أعطي السائلين "
ورد من حديث أبي سعيد الخدري

واعلموا اننا فى سباق مع الزمن فى هذا الشهر فلابد ان نظهر فيه امام الله احسن ما عندنا من أداء وأن نظهر حبنا له جل فى علاه لنفوز بنفحاته العطره

يقول المصطفى صلى الله عليه وسلم
(أتاكم رمضان شهر بركة يغشاكم الله فيه فينزل الرحمة ويحط الخطايا ،ويستجيب فيه الدعاء ،ينظر الله تعالى الى تنافسكم ،ويباهي بكم ملائكته،فأروا الله من أنفسكم خيرا أ فإن الشقي من حرم فيه من رحمة الله عز وجل

وفى الأخير لا تنسوا سنة الحبيب عند الإفطار
كان النبي صلى الله عليه وسلم إذا افطر قال : ذهب الظمأ وابتلت العروق وثبت الاجر إن شاء الله

حديث حسن

وقال ايضا الحبيب صل الله عليه وسلم ((صوموا تصحو))ا صدق رسول الله صلى الله عليه وسلم

إلى لقاءات عديده اخرى قادمه ان شاء الله

باكيين رايحين جايين

السلام عليكم احبابى زوار مدونتى الكرام
احب ان اعتذر لكم على التأخير فى عمل الجديد
وبشكركم جميعا على اصراركم على الحضور رغم انقطاعى
الأول كل سنه وانتوا كلكم طيبين وبكل خير وربنا يجعل ايامنا كلها رمضان

وإن شاء الله قبل ما يبدأ هيكون فى معانا موضوع حلو عن الشهر الكريم ده
نيجى بقا لموضوعنا اللى هو الخيبه الكبيره

بيكين
طبعا كده الموضوع بان انا عارف ان كتير اتكلموا فى وسائل الإعلام المرئى والمسموع والمقروء ولكن مش كتير تترقوا اننا نعرف البعثه دى صرفت كام
تعالو نقول الرقم الكبير 60 مليون جنيه اتصرفوا يا ولاد الحلال

فاكرين صفر المونديال كان كده وقالوا هيكون فى تحقيقات ولكن مين هيحاكم مين لا قاضى ولا متهم القاضى هوالمتهم

نقول كل اتحاد صرف كام من بعد اثينا الى بعد ما فشل فى بكين سواء تأهل اولم يتأهل

اتحاد ألعاب القوى صرف 2.088.972

إتحاد التجديف 4.033.765

إتحاد اليد 4.327.629

إتحاد الطائرة 3.734.037

إتحاد القدم 2.593.929 ولم يتأهل من الأساس

إتحاد الجو دو 1.741.621 وحصل على الميداليه اليتيمه وهى برونز هشام مصباح يا رافع راسنا كتر الف خيرك

إتحاد الملاكمة 2.070.572
إتحادالخماسي 0.924.556 وهو حديث العهد
إتحادالتايكوندو 2.304.088

إتحادالمصارعةالرومانى 2.855.477

إتحادرفع الأثقال 3.331.650

إتحادالجمباز 2.150.106

إتحادالشراع 0.863.552

إتحادالدرجات 1.854.626.

إتحادالفروسية 1.102.448
إتحادالسلة 2.593.929 ولم يتأهل من وأراح نفسه وأراحنا معاه
إتحادالهوكي 1.959.797

إتحادالكاراتيه 0.328.572

إتحادتنس الطالوله 1.187.862

إتحادالسباحه 4.895.842 نصيب الأسد

زهقتوا من كتر الأرقام طيب كمان اللى اخدهم ليه مش زهق
على فكره انا جمعت الأرقام دى من جرائد وبرامج قوميه ومفيش ولا رقم من جريده معارضهأو برنامج معارض وكمان للعلم الناس لما اخدت الفلوس دى كانت واخدها على مراحل سبعه والتواريخ موجوده بس مش حابب اطول عليكوا اكتر من كده
كل اللى عايز اقوله اننا دوله اتعودنا على النكد بعد كل دوره لما جيبنا خمسه فى اتينا قولنا اللى عمرنا ما قولناه من شعر والأغانى الوطنيه
احنا مش متعودين على انتظار نتائج فى االدورات انما مش تبقى خساره من كله حتى الفرحه مش موجوده بعد صرف 60مليون جنيه مصرى وحطوا تجت مصرى كام خط كده الفلوس دى كانت كفيله تحل ازمات كتير اوى فى البلد توظيف او إسكان او ,,,,,,,, اوا,,,,,,,,, إلخ

بلاش ازمات خلينا فى الرياضه يعنى 75 مليون مصرى مفيش فيهم اشبال تصلح إنها تتجهز ويتصرف عليها الملايين دى وتجيب فلوس بدل اللى صرفوها
عموما اتمنى الوقفه من الحكومه وتعالوا نتحاسب بالورقه والقلم والمهدر للمال العام انا من رأى انه يتحاااكم
وأسف انه كان بوست طويل شويه انما بصراحه انا مبقوق وكنت عايز اتفك معاكوا شويه والفلوس دى كانت أحسن توجه إلي ما يخفف العبء عن كواهل البسطاء في هذا البلد

تاج كلاكيت تانى مره

جانى تاج من الصديقه الغاليه عبير صاحبة بلوج جميل جدا ولذيذ جدا جدا اسمه عاشقة القمر

أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟

1/ كان نفسى اكون لاعب كره كبير جدا ومشهور

وكنت سعيت لده ولعبت لفتره فى قصيره جدا فى المنصوره لا تتجاوز الأسابيع ولكن سيبتها علشان الدراسه ولو اتكرر تانى كنت هعدله واستغنى عن الدراسه بس ارجع واقول قدر الله وما شاء فعل

2/كان نفسى اكون ظابط شرطه وده كان حلمى من الإبتدائى ولكن الحلم ده تبخر كلما علمت انها ليست بالمجموع بقدر ما هى وااااااااسطه وطبعا ايدى مش طايله اى واسطه

3/كان نفسى اسافر اوروبا وباريس بالزات

واجيب فلوس كتير واعيش العيشه الأوربيه انا وأهلى وحبايبى ولكن مليش نصيب

4/بحلم ولسه بحلم ان مصر تكون اقوى واحسن واجمل دوله فى العالم

إقتصاديا وسياسيا وإعلاميا وفى كافة المجالات

5/ من وقت ما سمعت عن الكمبيوتر وحلمت ان الجهاز ده اعلم كل حاجه فيه من الألف الى اليااء

ولكن انا لقيت الألف وانا عارف انه مش له ياااء ولكن بتعلم فيه بخطى سابته وبسرعه ومحدش يستغرب انى بتعلم لأنه ملوش اخر وساعدنى على ده الشغل فى مجال هندسة الشبكات والإتصالات

أذكر 5 أحلام على الأقل تخص مستقبلك ؟

انا بطبعى طموح جدا جدا فأتمنى طيلة عمرى الإرتفاع فى مستواى الوظيفى مهم علا المستوى ده

فأتمنى من الله فى يوم من الأيام ان امتلك شركه نت

هفضل طول عمرى متمسك بالحلم ده لوقت ما يبقى حقيقه ان مصر تكون احلى واجمل دول العالم

وتتلغى بقا كلمة دوله نايمه ااقصد ناميه

بحلم انى الأقصى يتحرر من اليهود وأكون احد محررينه

وفلسطبن ترجع كامله لينا

بحلم انى اموت شهيد فى سبيل الله وفى سبيل نشر كلمة لا اله الا الله محمد رسول الله ويرضى عنى الله ورسوله الكريم
قال تعالى: (وَلا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتاً بَلْ أَحْيَاءٌ عِنْدَ رَبِّهِمْ يُرْزَقُونَ) (آل عمران:169

وفى النهايه لازم اعرفكم انى بحلم راضى بحالى راضى بحياتى اللى قدرت عليه بفضل الله عملته واللى هقدر عليه بعون الله هعمله

أذكر شخصين على الأقل متواجدين في حياتك حاليا .. كنت تود وجودهم قبل الآن بزمن ؟

انا بعتبره صاحبى من زمان توطدت علاقتى بيه من فتره بسيطه هو حبيبى وأخى فى الله (( نــــور )) اللى دايما يعلق فى المدونات بإسم استراليا

وإنسانه طيبه اوى محترمه اوى اوى هى صاحبة مدونة المشتاقون الى الجنه صاحبة النيك نيم ((( إشراقه)))

وازود عليهم مدونتى دى كنت اتمنى انها كانت معايا من زماااااااااااااااااااااان اوى (( إبن مصر))

أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟
مش هقدر اقول غير الحمد لله على الموجودين وربنا يبارك فيهم كلهم

تهدي التاج لمين ؟

انا كنت هبعته لنونو بس هى لسه كان عندها تاجين فمش هينفع بقا لأننا منتظرين منها جديد مش هتقضيها تيجان بقا وخلاص
يبقى أيه الشقيه الشعنونه
وميرو النيرو كوانيرو( كراكيب) اتفضلى بقى حللى التاج مش انتى السبب فيه
وخديجه محسن لؤلؤة الإسلام
ودودا صاحبة مدونة امتداد عقلى ونقولها كلنا حمدالله على السلامه من العمره وربنا يتقبل
طائر النار لكى منى التحيه والتاج
ورؤيه الهادئه بقالها فتره صامته عن الكلام نريدها ان تتحدث صاحبة مدونة تنهيده

وبكده اقول الحمد لله حليت الواجب ويارب أكون توفقت وطلعت فيه ناااااااجح

-تحياتي للجميع

بداية انا عايز اقول انى فعلا مستاء جدا جدا
مستاء من اللى حصل واللى بيحصل واللى هيحصل لسه فينا
نبتدى منين الحكايه نبتدى من الأول ولا من النهايه
لما عباره يموت فيها 1414 مواااطن مصرى مفيش حد يدور ويقول فلان هو المسئول

نبتدى الموضوع بإختصار من الأول

لما العباره غرقت حصل ايه؟
الدنيا كلها صحيت على الخبر الأسود ده والكل بيقول السلام غرقت
مهو كده كده السلام غرق من زمااااااان اوى من ايام ما بعناه على الورق
المهم خلينا فى موضوع عبارة الموت دلوقتى
انا بس عايز اقول لما تتشكل لجنه من مجلس الشعب وتدين اللجنه الشركه
والشركه تصرف تعويضات بالملاين بل بالمليارات ده معناه ايه يعنى تبقى مدانه وتصرف تعويضات
والنهارده او تحديدا 27/7/2008 يصدر حكم قضائى ببراءة صاحب الشركه وبعض المتهمين فى هذا الحادث من كل التهم وهو السيد ممدوح اسماعيل
وخلوا بالكوا انا مش بدين القضاء انا عارف ان القضاء له اوراق بيتكلم عن طريقها بس متنسوش ان الورق ده مش شرط يكون سليم وطرق التذوير كتيره جدا وممكن الفبركه واللعب بالورق ده مفيش اسهل منه
الأول ثبت فى محضر الجلسه فى تاريخ غرق العباره ان السيد ممدوح اسماعيل كان عارض العباره للبيع لرجل اعمال سعودى ولكن المحكمه النهارده بتبرأ سيادته من التهمه لأنه مش مالك اساسا للشركه وانه كان مجرد وكيل لأعمالها فى مصر

(طيب ازاى عرضها للبيع وهو لم يكن مالكها )

انا مش ضد ان الناس تتبرأ وإن العدل ياخد مجراه بس قبل الحكم ده مش كان من الأفضل يقولوا مين المتهم الحقيقى
طيب ده نقول عليه ايه
انا مش هتكلم فى الموضوع قانونا فأنا لست خبير فى القوانين

وانما هتكلم عن روح القانون انا عايز اسأل عن الناس دى دمهم راح فين

نقول لأهالى الضحايا دم ولادكم اللى اتغرق بيه البحر الأحمر وخلاه فعلا احمر راح فين ؟؟؟

بلاش السؤال الصعب
لمن تشتكى هذه الأم اللى بيحصل بعد لما القضاء اللى بينفذ عدالة السماء فى الأرض منصفهاش

تعمل ايه اهالى الضحايا دول

نداء الى القضاه
يا قضاة مصر

ان صدمة الموت هينه اهون من صدمة الذل والإحساس بقلة الحيله امام الظلم القائم اذا حكمتم على هؤلاء بالبراءه

انا لست ضدهم ولا اهالى الضحايا ضدهم ولكن قبل الحكم لهم بالبراءه نريد ان نعلم منكم من الجانى
اعلمونا من الجانى من متحمل هذا الخطأ من من .......؟؟؟؟؟؟؟؟؟؟؟؟؟؟...............

واذا انتوا مش فى صفة الناس دى وحسيتوا بيهم قبل احساسكم بالقانون مش عارف يروحوا ليمن
(اقولكم ليهم رب اسمه الكريم وهو المنصف والعادل والجبار)

وكل مصر صغيرها وكبيرها ينتظر حكمكم يوم الإستئناف يوم 3/9 ننتظر عدالة السماء لتطفئ لهيب أناس وأطفال وشيوخ رحلوا عنهم زويهم واحبائهم

وكلهم فى مقبره واحده مقبره جماعيه

بعد ان فرقتهم الأمواج جمعتهم هذه المقبره

نحن ننتظر الإنصاف فهل من منصف من قبل الله يزيح الهم ويهدئ لهيب قلب ام

لم تنم ولم تجف دمعتها من فراق احبابها وكل املها ان يقتص لها احد من الجانى حتى يهنأ بالهاوتجف دمعتها وترتاح من الم الفراق والم الإحساس بالحصره على فقدان اعز الناس الى قلبها

واخيرا قلبى معكم با اهلى با عشيرتى يا كل المصريين